LUKNÜ ATHRÜTKHI THIYUSHEAK-ATSÜ HUHTANYU 11:42 - AMÜSÜH HÜM CL Bible (BSI)

⁴² “Tüshe nüsa Pharisirübo are! Tümütüsho nüsanü khiungün le rhümthünea wonin tüsho wokephüyak alala kingaün jihchoh, tüshe thiyuro tüsho Thrünpuh amuzho bahyukchoh. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 11:42 Iomraidhean Croise

NEHEMIA 10:37

Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

T H S AN GYU T H S AN GR ARÜ 7:18

Nünü khülang she müdükhede püpü ramlopü ju atsü lah; tümüde shepünü Thrünpuh trebanü ane chido akuk ngübah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 23:23

“Nüsa yakzan thsangyurübo tüsho Pharisirü, yiuhkhaprübo, are! Nüsanü rhümthünea wokephüyak, ningpürang tüsho khiungün thürü shihcham jihchoh, tüshe nüsanü adungtobe yakzan thiyuro, mihmüthsüm tüsho akin bahyuk. Püpü ju she mübahyukde nüsanü harü rhimopü lado.

MATHI 23:27

“Nüsa yakzan thsangyurübo tüsho Pharisirü, yiuhkhaprübo are! Nüsa ju aleanglim akheahakhamkhi tüshe alunglim a asherü roreang tüsho amümüsüh lüpdükhinü mide alakhi amüye kiuyukbo nangde lah.

LUKNÜ ATHRÜTKHI THIYUSHEAK-ATSÜ HUHTANYU 18:12

Inü amu-khip khülang dükeak ching mahne ki khümkeak thsüchoh; I lakhi alala chingnü inü thürü shihcham jihchoh.’

JOHAN 5:42

Tüshe nüsa kheak Thrünpuh amuzho müla de inü mükheahlah.

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.