LUKNÜ ATHRÜTKHI THIYUSHEAK-ATSÜ HUHTANYU 11:4 - AMÜSÜH HÜM CL Bible (BSI)

⁴ Isa azhihde neak yihbeakrü ki isanü neak bahjihkhi nangde isa neakbo bahjang. Tüsho rükakinü isa dübeshih, tüshe amütsübe chingnü isa bekhitang.’ ”

LUKNÜ ATHRÜTKHI THIYUSHEAK-ATSÜ HUHTANYU 11:4 Iomraidhean Croise

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

1 KIULONG THSÜRÜ 8:34

yinmi chingnü sojang, nü mihtsürü Israel neak bahjang, tüsho nünü arü jipürü kilim jihkhi lo ching arü belode arang.

1 KIULONG THSÜRÜ 8:36

judüki yinmi chingnü sojang, tüsho nünü arünü atsahpü limro atsü arü ki thsangyuchoki, nü yamlarübo, nü mihtsürü Israel neak bahjang; tüsho nünü nü mihtsürü kilim yamrüplurüp jihkhi nü lo kheak tsüng arüshang.

MUNGSHIKHÜN 121:7

Atungpuhnü amütsü alala chingnü nü küma lashihbah; apinü nü me küma lashihbah.

MUNGSHIKHÜN 25:11

O Atungpuh , nü mung chingnü I mülimkhi bahjang, tümüde ha tode lah.

MUNGSHIKHÜN 25:18

I thsünükhi tüsho küpkhuk lümakheahjang, tüsho I neakbo alala bahjang.

DANIEL 9:19

O Atungpuh , aniang; O Atungpuh , neak bahjang; O Atungpuh , anijang tüsho rhimoang; nü mung chingnü dashu, O I Thrünpuh, tümütüsho nü kiuto tüsho nü mihtsürübo nü mung chingnü jia lah.”

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

MATHI 18:35

Junangde nüsanü nüsa mulong chingnü nüsa keoniorü neak mübahjihsho, yinmi ching labuh I Buhnü nüsa mihbüm aban ki rhimobah.”

MATHI 26:41

Junangde nüsa rükaki ching müyüzahpü thsüde kurhangang tüsho tamkhüntamnüang. Menü a künlah tüshe shih ching reangmüzah.’

LUKNÜ ATHRÜTKHI THIYUSHEAK-ATSÜ HUHTANYU 11:5

Tüsho apinü arü ki tha, “Nüsa shepünü müyamrü labah tsüngphulung ching yüba tüsho api ki thaba, ‘Müyambuh, I kilim yikhap 3 nipjang;

LUKNÜ ATHRÜTKHI THIYUSHEAK-ATSÜ HUHTANYU 13:4

Yungsho Siloam ching rünchang arü 18 kheak keambah alaksahkhi, arübo ju Jirusalem ching larü püpürü mihtsürü alala kheaknü aneakrü amütsübe lakheah de nüsanü lümcho shi?

LUKNÜ ATHRÜTKHI THIYUSHEAK-ATSÜ HUHTANYU 22:46

Judüki apinü arü ki tha, “Tümüde nüsanü yapcho? Asürang tüsho tamkhüntamnüang, jude yungsho nüsa rükaki ching yüzahbah.”

LUKNÜ ATHRÜTKHI THIYUSHEAK-ATSÜ HUHTANYU 8:13

Tüsho lungmi kheak hiukihkhi ju thiyu sobah asühde aleangkhirü ah; tüshe harü aying müla, arünü anükhüh kheak kinchoh tüsho rükaki kim ching ayoabahchoh.

JOHAN 17:15

Arübo alomi chingnü luakhinpü inü nü ki mütamkhüntamnü, tüshe nünü arübo amütsübe chingnü küma lashang.

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

KOLOSI 3:13

khülangnü khülang arümkheamachihde, tüsho khürünü püpürü azhihde atsangpü lasho, neak bahachihang; Atungpuhnü nüsa neak bahjihkhi nangde nüsanü she neak bahjihbeah.

2 TESALONIKA 3:3

Tüshe Atungpuh a thiyuro ah; apinü nüsa düküngshihbah tüsho amütsü chingnü nüsa aheangbah.

2 TIMOTHI 4:18

Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.