LUKNÜ ATHRÜTKHI THIYUSHEAK-ATSÜ HUHTANYU 11:35 - AMÜSÜH HÜM CL Bible (BSI)

³⁵ Jumonü nü kheak lakhi tsün ju amiting mülapü kümkangang.

LUKNÜ ATHRÜTKHI THIYUSHEAK-ATSÜ HUHTANYU 11:35 Iomraidhean Croise

MÜCHITMUDU 16:25

Mihtsürü ki limro khülang alungki nangde lah, tüshe akheam ju ashekhi lah.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

MATHI 6:22

“Mük ju pang yo tsün ah. Jumonü nü mük tsüde lasho, nü pang alala ayinnü mide alabah.

LUKNÜ ATHRÜTKHI THIYUSHEAK-ATSÜ HUHTANYU 11:34

Pang yo tsün ju mük ah, jumonü küyimki nü mük tsüde alabanü, nü pang alala ayinnü mide lah. Tüshe küyimki nü mük mütsübanü, nü pang she amitingnü milah.

LUKNÜ ATHRÜTKHI THIYUSHEAK-ATSÜ HUHTANYU 11:36

Junangde nü pang alala amiting mülade ayinnü mide lasho, tsünpung ayinatrümnü nü kheak tahkhi nangde nü pang alala ayinnü mide alabah.”

ROMRÜ KILIM PAULNÜ ATHRÜTKHI KIHÜM HUHTANYU 1:22

Lümlung lah de athakhinü, arü makharü kam,

2 PETER 1:9

Tümüde shepü hadürü mülanü mük tuka lah tüsho chinzhinpü zhomalah, tüsho adüso neakbo chingnü api müsühkhi mihabahdo.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.