LUKNÜ ATHRÜTKHI THIYUSHEAK-ATSÜ HUHTANYU 11:34 - AMÜSÜH HÜM CL Bible (BSI)

³⁴ Pang yo tsün ju mük ah, jumonü küyimki nü mük tsüde alabanü, nü pang alala ayinnü mide lah. Tüshe küyimki nü mük mütsübanü, nü pang she amitingnü milah.

LUKNÜ ATHRÜTKHI THIYUSHEAK-ATSÜ HUHTANYU 11:34 Iomraidhean Croise

THRÜNTAN 19:11

Tüsho arünü thüyam ripit limro kheak larü anini tüsho ato chido mük tukshihpünü shik, junangde arünü khimdopü müyimkhit.

MUNGSHIKHÜN 119:18

I mükbo khimshuhjang, junangde nü yakzan ching amüyinsahbebo inü angübah.

MUNGSHIKHÜN 81:12

Jumonü inü arü nihbuh lümkhi ching tsahshihpü arü mulong müküppü jih.

MÜCHITMUDU 21:4

Mük-müzhingkhi, kükheangküyang mulong tüsho mihbukmuyuk ju neak ah.

MÜCHITMUDU 28:22

Mükhütmüra mihtsürünü lakhitbo dunglim müshamchoh, tüsho nihbuh kheak mükheakmürak arübah de apinü lümamükheah.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 42:19

Shepü mük tuka la tüshe I yamlarü, yungsho nükhün peanga inü athiyikhi yunithsürü nangde la? Shepü inü müsükhitkhi khülang nangde müktuk a, yungsho Atungpuh yamlarü nangde müktuk a?

ISAIA 44:18

Arünü mümükheah, yungsho arünü manikhit; tümüde arü mükji tuka lah, junangde arünü müngükhuk, tüsho arü lümkhibo she ah, junangde arünü manikhit.

ISAIA 5:20

Nüsa shepünü amütsü ki atsü tüsho atsü ki amütsü jichonü, shepünü amiting ju ayin tüsho ayin ju amiting kamshihcho, shepünü akhüh ju aniung tüsho aniung ju akhüh kamshihchonü are!

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

JEREMIA 5:21

Ha aniang, O makhakhi tüsho sulüm mülakhi mihtsürübo, sherü mükjibo la, tüshe müngücho, sherü nükhünbo la, tüshe musocho.

MARK 4:12

junangde ‘arünü kheahkheah she mükheahkhit, arünü anini she muso tüsho manikhit; jude yungkhülaa arünü arholobah tüsho neak bahjihbah!’ ”

MARK 7:22

ahühpü, yihnelune, mihbukmuyuk, akeangyu, yakli-amütsü, mükjomükra, lülüshishi, makhakhi akhiukshihchoh.

MARK 8:18

Mükbo labah, nüsanü müngü de? Tüsho nükhünbo labah, nüsanü musocho de? Tüsho nüsanü mülümkhitcho de?

LUKNÜ ATHRÜTKHI THIYUSHEAK-ATSÜ HUHTANYU 11:35

Jumonü nü kheak lakhi tsün ju amiting mülapü kümkangang.

YUNIRÜBO RHIMO 13:11

Kheahang, Atungpuh khah nü kheak lah, tüsho anükhühkheak nü mük tuka ani müngüde alabah.” Zukleangnü shumuliu tüsho amiting api kheak yükih tüsho api khah kheaknü athoshihpü mihtsürübo yimde yü.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

EFISIA 6:5

Yamlarübo, Khrista ki nangde trede tüsho ajande, mulong khülangnü nüsa alomi putungrübo ki mihyuaniang;

KOLOSI 3:22

Yamlarübo, lüpdükhi ching nü yo aputungrübo ki mihyuaniang; arünü nü kheahde alachoki tüsho arünü amuzhoshihpü lang yung, tüshe mulong jihde tüsho Atungpuh wüntrede ju rhimoang.