LUKNÜ ATHRÜTKHI THIYUSHEAK-ATSÜ HUHTANYU 11:22 - AMÜSÜH HÜM CL Bible (BSI)

²² Tüshe küyimki api kheaknü sühmüh lakhi arübah api kukbanü apinü mulonglamkhi zülu lude tsochoh, tüsho apinü ayankhikhibo chama luchoh.

LUKNÜ ATHRÜTKHI THIYUSHEAK-ATSÜ HUHTANYU 11:22 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

ABEKHIT 15:9

Thiririnü tha, ‘Inü amüshambah, inü ayanphuhbah, inü arü lakhit chambah tüsho I künkhi alala lubah; inü I nukshang dukkhitbah tüsho arü lakhi alala lubah.’

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

ISAIA 53:12

Jumonü inü ato bolung api ki shihcham jihbah tüsho sühmüh lakhi lung api ayankhikhi-kukruk chama jihbah; tümütüsho apinü anihbuh langzünü she tüsho alakmihrü lung kheyuk; tütüshe apinü ahihdo neak han tüsho alakmihrü thsungkheak tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 11:21

Küyimki sühmüh lakhi mihtsürü khülangnü thirithsü zülu alala yihbah nihbuh yam aheangbanü api kukrukbo kümkhita lachoh.

LUKNÜ ATHRÜTKHI THIYUSHEAK-ATSÜ HUHTANYU 11:23

Shepü I lung mülanü I azhihde lah, tüsho I lung bemukhungrü hiumüzütjihchoh.

EFISIA 6:11

Thrünpuh thirithsü zülu alala yihang, junangde nüsanü amünean lümkhi azhihde azhipkhukbah.

EFISIA 6:13

Jumonü Thrünpuh thirithsü zülu alala luang, junangde amütsü nimung arüchoki nüsanü azhipkhukbah, tüsho alala rhimo dunglim düküngde azhipbah.

KOLOSI 2:15

Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

1 JOHAN 4:4

I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah.