LUKNÜ ATHRÜTKHI THIYUSHEAK-ATSÜ HUHTANYU 11:1 - AMÜSÜH HÜM CL Bible (BSI)

¹ Api dangpung khülang ching tamkhüntamnüde labah arün thsüshu, jingyanrü bolung khülangnü arübah tha, “Atungpuh, Johannü api jingyanrübo ki thsangyukhi nangde isa ki tamkhüntamnüpü thsangyuang.”

LUKNÜ ATHRÜTKHI THIYUSHEAK-ATSÜ HUHTANYU 11:1 Iomraidhean Croise

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 19:14

I mün ching thiyubo tüsho I mulong ching lümkhibo nü miki aleangkhikhukbe kamshang, O Atungpuh , I tsoyukpung tüsho I rhokhitrü.

LUKNÜ ATHRÜTKHI THIYUSHEAK-ATSÜ HUHTANYU 10:42

tüshe khülang lang yihnüpü lah. Marinü alungkibe mokhitdo, tüsho ju alibe kheaknü lude mutso.”

LUKNÜ ATHRÜTKHI THIYUSHEAK-ATSÜ HUHTANYU 11:2

Jumonü apinü arü ki tha, “Küyimki nüsanü tamkhüntamnübanü, hade thaang: ‘Yinmi ching isa Abuh, nü mung amüsüh thsang. Nü kiulongthsü arang; Yinmi ching künangde la alomi ching she junangde nü mulong thsang.

LUKNÜ ATHRÜTKHI THIYUSHEAK-ATSÜ HUHTANYU 6:12

Ju kim ching apinü tamkhüntamnüpü awung ching yü; tüsho tsüngreroro apinü mutuklode Thrünpuh ki tamkhüntamnü.

LUKNÜ ATHRÜTKHI THIYUSHEAK-ATSÜ HUHTANYU 7:13

Tüsho küyimki Atungpuhnü alibe ngükhea, apinü anihbe muzhode lüm tüsho alibe ki tha, “Dütrip.”

LUKNÜ ATHRÜTKHI THIYUSHEAK-ATSÜ HUHTANYU 7:19

Tüsho Johannü ajingyanrü bolungnü mahne api kilim jibah Atungpuh kilim yüshihde tha, “Shepü arüpü lanü ju nü a shi, dashi isanü püpürü aleangba?”

LUKNÜ ATHRÜTKHI THIYUSHEAK-ATSÜ HUHTANYU 9:18

Api alangzü tamkhüntamnüde alachoki, ajingyanrübonü api lung arü, tüsho apinü arü ki keokhide tha, “I she ah de botobonü thacho?”

LUKNÜ ATHRÜTKHI THIYUSHEAK-ATSÜ HUHTANYU 9:28

Tüsho harü thabah nimung tizheah dunglim, apinü Peter, Johan, tüsho Jakob bea lubah tamkhüntamnüpü awung lim yü.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

JUDNÜ ATHRÜTKHI KIHÜM HUHTANYU 1:20

Tüshe amuzho müyamrübo, nüsanü khide amüsüh nüsa akin kheak rünkihang; Amüsüh Me ching tamkhüntamnüang;