LUKNÜ ATHRÜTKHI THIYUSHEAK-ATSÜ HUHTANYU 10:3 - AMÜSÜH HÜM CL Bible (BSI)

³ Nüsa limro yüang; kheahang, inü nüsa rimre bolung namfimihnunubo nangde yüshihchoh.

LUKNÜ ATHRÜTKHI THIYUSHEAK-ATSÜ HUHTANYU 10:3 Iomraidhean Croise

MUNGSHIKHÜN 22:21

Kekhüzübo mün chingnü, mütüm moshipungbo juhbo chingnü I khümkhitang.

ZEPHANIA 3:3

Ju ching atorübo ju ahukkhi kekhüzübo lah; mahkhaprübo ju are tsahbe rimrebo, junangde yapsu khiungde tümü maningshih.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

LUKNÜ ATHRÜTKHI THIYUSHEAK-ATSÜ HUHTANYU 10:4

Shoyukpung, qiuqiu yungsho jingkhümpü tümü dühan; tüsho limro ching she ki she salüm düjih.

JOHAN 10:12

Shepü namfimihnu neakrü yungde amulokhi la, shepü namfimihnu putungrü yungnü, rimre arükhi ngübah namfimihnubo bahjihbah alihde tsochoh; rimrenü namfimihnubo tholochoh tüsho yanmüzütchoh.

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

YUNIRÜBO RHIMO 9:2

tüsho athrürü yungsho aliberü thsüthsü apinü limro ching ngüsho Jirusalem lim rhüka lubah arüpü Damaska ching sinagogbo kilim kihüm jihang de api ki keokhi.