LUKNÜ ATHRÜTKHI THIYUSHEAK-ATSÜ HUHTANYU 10:28 - AMÜSÜH HÜM CL Bible (BSI)

²⁸ Tüsho apinü anihbuh ki tha, “Nünü dükde alodo; ha rhimoang tüsho alabah.”

LUKNÜ ATHRÜTKHI THIYUSHEAK-ATSÜ HUHTANYU 10:28 Iomraidhean Croise

NEHEMIA 9:29

Nü yuzüng anishihpü nünü arü ki müzünde tha, tüshe arünü ha anibah rhangdung lapü thsüthsü she arünü kükheangde nü yakzan mani, tüshe nü yakzan azhihde neak yihbeak. Mulong müküpde tüsho nihnihde, arünü mihyuanipü reanglo.

MÜCHITMUDU 19:16

Shepünü thiyukhümbo zochonü nihbuh rhangdung kümchoh, tüshe shepü nihbuh limrobo mükümkangnü ashebah.

EZEKIEL 20:11

Inü arü kilim I yakzan thsükhibo jih tüsho I yakzanbo arü ki mükheahshih, tümüde jurü mihyu anikhi hode mihbüm aban alabah.

EZEKIEL 20:13

Tütüshe Israel mihtsürünü sunglo ching I azhih. Mihtsürünü mihyuanibah rhangdung lapü lalashe, arünü I yakzan thsükhibo müyan tüshe I yakzanbo bahyuk tüsho arünü shahde I amunibo müneanjih. Jumonü inü arü kheak I bukakhiuk dungkihbah tüsho sunglo ching arü dükheakshihbah de inü tha.

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

LEVI 18:5

Nüsanü I yakzan thsükhi tüsho I yuzüngbo zoang; jude athsükhinü nüsa rhangdung labah, I Atungpuh .

MATHI 19:17

Jisunü alo, “Tümüde nünü I ki atsü dünkheak keokhicho? Atsü khülang lang lah. Nünü rhangdung lapung ching yüzahnesho, thiyukhümbo zoang.”

MARK 12:34

Jumonü küyimki apinü tsüde alokhi Jisunü angükhea, apinü anihbuh ki tha, “Nü a Thrünpuh kiulongthsü kheaknü limshude müla.” Tüsho jushu a shenü she api ki keokhipü mümürang.

LUKNÜ ATHRÜTKHI THIYUSHEAK-ATSÜ HUHTANYU 7:43

Simonnü alo, “Inü alümkhia, apinü ahihbe bahjihbuh labah.” Tüsho apinü anihbuh ki tha, “Nü dükdü ah.”

ROMRÜ KILIM PAULNÜ ATHRÜTKHI KIHÜM HUHTANYU 10:4

Akin larü aban alim mütsanpü thsüde Khrista ju yakzan akheam ah.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

ROMRÜ KILIM PAULNÜ ATHRÜTKHI KIHÜM HUHTANYU 7:10

rhangdung handarüpü lakhi thiyuzüngnü atsütsü ashepü handarükhi inü ngü.

GALATIA 3:12

tüshe yakzan ju akin kheak müla, tümüde “Shepünü jurü rhimochonü jurü hode arhang labah.”

YUZÜNGTHALO 6:24

Tüsho kamruhroro tsüde alapü thsüde Atungpuh isa Thrünpuh wüntrepü thsungkheak Atungpuhnü isa ki harü yakzan alala anide arhimopü thiyukhüm jih, junangde khihni nangde apinü isa rhangdung lashihbah.