LUKNÜ ATHRÜTKHI THIYUSHEAK-ATSÜ HUHTANYU 10:21 - AMÜSÜH HÜM CL Bible (BSI)

²¹ Ju kim ching Jisunü Me ching asüh, tüsho tha, “Yinmi tüsho alomi Tungpuh, Abuh, nünü harü lümlung tüsho mükheahmudurü kheak ram tüsho khungarübo ki akhiuka huhkhi dünkheak inü nü shijihchoh. Am, Abuh, haju nü mük ki atsü lakheah.

LUKNÜ ATHRÜTKHI THIYUSHEAK-ATSÜ HUHTANYU 10:21 Iomraidhean Croise

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

MUNGSHIKHÜN 8:2

Ha azürü tüsho khungarübonü khün thsü. Nü a nü riri kheaknü khümkhita tüsho tsokhita lah; nünü nü azhihrü zhikde kamshih.

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

MATHI 21:16

Tüsho arünü api ki tha, “Harü tümü thachonü nünü socho shi?” Jisunü tha, “Am; ‘Khungarübo tüsho niuhdukrübo mün chingnü nü khiukdahde shijihkhi lah’ de athakhi nüsanü mükherhak de?”

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

MARK 10:15

Atsütsü inü nüsa ki thachoh, shepünü azürü anini nangde Thrünpuh kiulongthsü müleangkhibanü ju ching küyimkishe müyüzah.”

LUKNÜ ATHRÜTKHI THIYUSHEAK-ATSÜ HUHTANYU 15:5

Tüsho küyimki apinü ju yimkhitbanü asühde adubuh kheak yihkihchoh.

LUKNÜ ATHRÜTKHI THIYUSHEAK-ATSÜ HUHTANYU 15:9

Tüsho küyimki alibenü ju ngübanü anihbenü müyamrübo le yamhingrü jimukhungde thachoh, ‘I lung asühang, tümüde adükheakkhi shonak inü ngüdo!’

JOHAN 11:41

Jushu arünü ashekhi mihtsürü yappungnü lung ju lahkhia bah. Tüsho Jisunü abinkih-a kheahbah tha, “Abuh, nünü I ki sojihkhi nü ki makshe jihchoh.

2 KORINT 4:3

Tüsho isa thiyusheak-atsü muhiudoa lalashe, ju adükheakrübo kilim lang muhiudoa lah.

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

EFISIA 1:5

Api lümkhi ayannü Jisu Khrista hode isa api tsührü thsüpü lümjung,