LUKNÜ ATHRÜTKHI THIYUSHEAK-ATSÜ HUHTANYU 10:2 - AMÜSÜH HÜM CL Bible (BSI)

² Judüki apinü arü ki tha, “Yimlupü tode lah, tüshe rhimorü nüklah; jumonü yimlupü ching rhimorü thiyishihpü yimlu putungpuh ki tamkhüntamnüang.

LUKNÜ ATHRÜTKHI THIYUSHEAK-ATSÜ HUHTANYU 10:2 Iomraidhean Croise

1 KIULONG THSÜRÜ 18:22

Judüki Elijanü mihtsürübo ki tha, “Atungpuh wukihrü bolung I lang aninga lah; tüshe Baal wukihrübo akhekhi 450.

MUNGSHIKHÜN 68:11

Atungpuhnü thiyukhüm jih; ju zhiyukpü boto ato lakheah:

JEREMIA 3:15

Inü I yu anirü nü kilim namfimihnu neakrü jihbah, tüsho arünü mükheahmudu tüsho anikhitkhi hode yakzan shuhbah.

ZEKARIA 11:17

Namfimihnu boto bahyukrü, müthülünkhi namfimihnu neakrü are! Nukshangnü api bin tüsho amük tsülim thsümünimshang! Api bin shahde keahkhishang, api mük tsülim shahde tukabahshang!

ZEKARIA 11:5

Sherünü arü thulochonü arü laksahchoh tüsho amülim müla de lümchoh; tüsho sherünü arü yinchonü thachoh, “Atungpuh müngühmühi thsang, tümüde I alarü kamdo”; tüsho arü namfimihnu neakrübonü arü kheak amuzho müla.

WÜHKHE 11:17

Tüsho I akibahle ju ching inü nü kheak asukachihbah, tüsho nü kheak lakhi me khürü inü lubah arü kheak yukjihbah; tüsho arünü mihtsürü hahmülang nü lung hanrungbah, junangde nü zangrünü lang mühan.

WÜHKHE 11:29

Tüshe Mosanü alo, “Nünü I dünkheak mükthsücho shi? Atungpuhnü amihtsürü alala kheak ame yükihshihbah wukihrübo nangde zhishang shi de inü lümlah!”

MATHI 20:1

“Tümütüsho yinmi kiulongthsü ju yapsu mükikde wukhiukbah api yo kurungasolu thsungkheak rhimopü rhimorü mulokhi thüyam putungrü kiphahlah.

MARK 13:34

Ha mihtsürü khülangnü api yamlarübo aban ki nihbuh rhimo hahmülang tüsho ripit-neakrü ki thiyukhüm jihde nihbuh yam zojihbah limshu lomi ching hantsah yükhi kiphahlah.

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

MARK 16:20

Arünü yü tüsho Atungpuhnü arü lung rhimode tüsho khinthiyinbebo bede arü yu mütsanmükhi jihde lüpdükhi ching thsangyuthsangra.

LUKNÜ ATHRÜTKHI THIYUSHEAK-ATSÜ HUHTANYU 9:1

Judüki apinü jingyanrü thürükheak mahne rukhüh jimukhung tüsho arü kilim amünean mebo alala kurungkheak tüsho tukthsürübo thsüngupü wu tüsho thiyukhümsühmüh jih.

YUNIRÜBO RHIMO 11:19

Kheakü Stephen laksahkhinü thsümüchi lakhi hode amüzütrübonü Phoenikia, Saipra tüsho Antiok khiungde Jihudarü ki lang thiyusheak thade yü.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

YUNIRÜBO RHIMO 13:4

Junangde Amüsüh Menü thiyide, arünü Seleukia lim yüki; tüsho ju chingnü Saipra lim yü.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 22:21

Tüsho apinü I ki tha, ‘Chamachihang; tümüde inü nü hurü khiungkerü kilim yüshihbah.’ ”

YUNIRÜBO RHIMO 8:4

Kheakü sherü hiumüzüta lakheanü thiyusheak thsangyuthsangrade yü.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

FILIPI 2:21

Arü alalanü Jisu Khrista thsungkheak yungde arü nihbuh künkhi yimchoh.

FILIPI 2:25

I keoniorü rukhüh rhimorü tüsho rukhüh bonungrü, tüsho nüsa yunithsürü tüsho I yihnüpü ching tankihrü Epaphrodita nüsa kilim thiyipü yihnüpü lah de inü lüm,

FILIPI 2:30

tümütüsho nüsanü mukukkhi, api rhangdung jihde I rungpü ching, Khrista rhimo thsungkheaknü api shemüchihdo.

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TESALONIKA 2:9

Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo.

1 TESALONIKA 5:12

Tüshe keoniorübo, nüsa bolung rhimorü tüsho Atungpuh lung nüsa limbede thsangdanrü ki wüntre jihang de nüsa ki mushuchoh,

2 TESALONIKA 3:1

Akheam ching keoniorübo, isa thsungkheak tamkhüntamnüjang, junangde nüsa lung rhimokhi nangde Atungpuh yu nahnahde abubah tüsho wüntrede akambah,

1 TIMOTHI 4:10

Isanü mürangde rhimodo, tümütüsho isanü akinrü mihtsürü alala khümkhitrü, arhang Thrünpuh kheak isa mulonglam zo.

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.

PHILEMON 1:1

I Paul, Jisu Khrista dünkheaknü aramrü, tüsho isa keoniorü Timothi kilimnü, Isa rukhüh rhimorü amuzho Philemon

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.