LUKNÜ ATHRÜTKHI THIYUSHEAK-ATSÜ HUHTANYU 10:11 - AMÜSÜH HÜM CL Bible (BSI)

¹¹ ‘Nüsa kiuto asungthulung isa kheak yükihkhi nüsa azhihde phütkhia bahchoh. Tütüshe ha mükheang, Thrünpuh kiulongthsü nüsa thüninde arüdo.’

LUKNÜ ATHRÜTKHI THIYUSHEAK-ATSÜ HUHTANYU 10:11 Iomraidhean Croise

EZEKIEL 2:5

Tüsho arünü anini she yungsho manini she–tümüde arü ju azhihkhi yamkhün ah–arü bolung wukihrü lakheah de arünü amükheahbah.

MATHI 10:14

Tüsho sherünü nüsa müleangkhiba yungsho nüsa yubo maniba, ju yam yungsho kiuto chingnü nüsa chamachihchoki, nüsa jing kheaknü asungthulung adan khia bahang.

MATHI 10:7

Tüsho nüsa yübah thsangyuthsangraang, ‘Yinmi kiulongthsü thüninde lah.’

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MARK 6:11

Tüsho sherünü nüsa müleangkhiba yungsho nüsa ki maniba, nüsa ju chingnü chamachihchoki arü azhihkhi thiyumütsan thsüde nüsa jing kheaknü asungthulung adankhia bahang.”

LUKNÜ ATHRÜTKHI THIYUSHEAK-ATSÜ HUHTANYU 10:10

Tüshe kiuto kürü ching yüzahbah arünü nüsa müleangkhibanü kiudunglimrobo ching wukhiukang tüsho thaang,

LUKNÜ ATHRÜTKHI THIYUSHEAK-ATSÜ HUHTANYU 10:9

Ju ching tukthsüde alarü thsüngujang, tüsho arü ki thaang, ‘Thrünpuh kiulongthsü nüsa thüninde arüdo.’

LUKNÜ ATHRÜTKHI THIYUSHEAK-ATSÜ HUHTANYU 9:5

Tüsho sherünü nüsa müleangkhibanü, ju kiuto chingnü nüsa wukhiukchoki arü azhihkhi amütsan nüsa jing kheak yo asungthulung adankhia bahang.”

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 13:40

Jumonü wukihrübonü athakhi nüsa kheak müdünjipü kümkangang:

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 13:51

Tüshe anenü arü azhihde ane jing kheak yo asungthulung adankhia bah, tüsho Ikonium ching yü.

ROMRÜ KILIM PAULNÜ ATHRÜTKHI KIHÜM HUHTANYU 10:21

Tüshe Israel dünkheak apinü thachoh, “Mihyumanirü tüsho azhih mihtsürü kilim inü nimung amuyung I khah chungkih.”

ROMRÜ KILIM PAULNÜ ATHRÜTKHI KIHÜM HUHTANYU 10:8

Tüshe hanü tümü thacho? Thiyu ju nü thüninde, nü münküp kheak tüsho nü mulong ching lah (ju, isanü thsangyuthsangrakhi akin yu);

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.