LUKNÜ ATHRÜTKHI THIYUSHEAK-ATSÜ HUHTANYU 10:1 - AMÜSÜH HÜM CL Bible (BSI)

¹ Harü dunglim Atungpuhnü püpürü 72 mokhit, tüsho mahne mahnenü api yüpü lakhibo ching amüngühnü yüshih.

LUKNÜ ATHRÜTKHI THIYUSHEAK-ATSÜ HUHTANYU 10:1 Iomraidhean Croise

EZEKIEL 8:11

Jurü mikhuh ching Israel yamkhün azothsürübo 70 zhip tüsho Shaphan tsührü Jaazania arü bolung zhipde alakheah. Mihbüm aban khah ching mophüh lakheah, tüsho rhümthünea mokhüh liukihde alakheah.

WÜHKHE 11:16

Atungpuhnü Mosa ki tha, “ Israel mihtsürü bolung arü kurungkheak azothsürü thsüpü tüsho atorü thsüpü nünü akheahkhitkhi mihtsürü nerü I kilim bemukhungang; arübo arüngyam ki bedarang, tüsho arübo ju ching nü lung zhipshang.

LUKNÜ ATHRÜTKHI THIYUSHEAK-ATSÜ HUHTANYU 1:17

Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

LUKNÜ ATHRÜTKHI THIYUSHEAK-ATSÜ HUHTANYU 7:13

Tüsho küyimki Atungpuhnü alibe ngükhea, apinü anihbe muzhode lüm tüsho alibe ki tha, “Dütrip.”

LUKNÜ ATHRÜTKHI THIYUSHEAK-ATSÜ HUHTANYU 7:19

Tüsho Johannü ajingyanrü bolungnü mahne api kilim jibah Atungpuh kilim yüshihde tha, “Shepü arüpü lanü ju nü a shi, dashi isanü püpürü aleangba?”

LUKNÜ ATHRÜTKHI THIYUSHEAK-ATSÜ HUHTANYU 9:52

tüsho api müngüh yunithsürübo yüshih. Arü yüde alachoki, arünü api thsungkheak thsakhampü Samaria kiulong ching yüzah.