LUKNÜ ATHRÜTKHI THIYUSHEAK-ATSÜ HUHTANYU 1:8 - AMÜSÜH HÜM CL Bible (BSI)

⁸ Junangde api chamnak yande Thrünpuh miki amükeamrü thsüde atankihchoki,

LUKNÜ ATHRÜTKHI THIYUSHEAK-ATSÜ HUHTANYU 1:8 Iomraidhean Croise

1 KIUTHSÜYUKHEAN 24:19

Harü ha Atungpuh Israel Thrünpuhnü thiyukhüm jihkhi yande arü jipürü Aronnü arü thsungkheak thsakhamkhi yakli yande Atungpuh yam ching yüzahpü arü tankihkhi rhimo jihkhi lakheah.

1 KIUTHSÜYUKHEAN 24:2

Tüshe Nadab le Abihu ane abuh müngühnü sheabah, tüsho tsührübo müla; jumonü Eleazar tüsho Ithamar büne amükeamrü kam.

2 KIUTHSÜYUKHEAN 11:14

Levirünü rimlopungbo tüsho arü lo püpübo zojihbah Juda tüsho Jirusalem ching arü, tümütüsho Jeroboam le atsührübonü Atungpuh amükeamrü thsüde tankihkhi chingnü arü tukloshih,

2 KIUTHSÜYUKHEAN 31:19

Tüsho Aron tsühsoniusobo, amükeamrübo, arü kiuto tüsho kiuto aban yo rimlopung ching larü, mihtsürübo mungnü jia larü kilim amükeamrü tüsho Levirü bolung thrüta lakhi athrürü aban kilim shihchambo chama jih.

2 KIUTHSÜYUKHEAN 31:2

Hezekianü amükeamrü tüsho Levirü chamnakbo, achamnak ayannü, amükeamrü tüsho Levirü abannü nihbuh tankihkhi yande, taka kingaün tüsho mungtsü kingaünbo thsungkheak, Atungpuh binpung ripitbo ching tankihpü, makshe jihpü tüsho mungshipü mokhit.

2 KIUTHSÜYUKHEAN 8:14

Abuh David yuzüng yande, apinü amükeamrübo chamnakkhi arü tankihpü thsungkheak, Levirü thsungkheak mungshi rhimo yambo tüsho nimung aban yihnüpü lakhi amükeamrü rungpü rhimobo, tüsho ripit aphuaphu thsungkheak ripit neakrü chamnakbo; tümütüsho junangde Thrünpuh mihtsürü Davidnü thiyukhüm jih.

EZRA 6:18

Mosa hüm ching lakhi yande, amükeamrü tüsho Levirübo buh rhimomo Thrünpuh khin shuhpü Jirusalem ching zojih.

ABEKHIT 28:1

“Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

ABEKHIT 28:41

Junangde harü nünü nü khiung Aron tüsho atsührübo kheak khümjang. I ki amükeamrübo thsüde I tankihpü nünü arü mujude tsangkhitang.

ABEKHIT 29:1

“Arünü amükeamrübo thsüde I tankihpü nünü ha ruk arü müsühkhitang: moshipung nunu 1 tüsho namfimihnupung 2 lapha mükihkhi luang.

ABEKHIT 29:44

Jumonü inü ashorupung khimyam le kingaün sadam müsühkhitbah tüsho Aron le api tsührübo I tankihpü amükeamrübo thsüpü müsühkhitbah.

ABEKHIT 29:9

tüsho arü ku kheak kuthran thranjang. Aron le atsührübo kheak chimrümbe rümjang. Amükeamrü thsüpü ju lünnü arü yo thsüpü thiyuzüng labah.

ABEKHIT 30:30

Aron tüsho api tsührübo müsühkhitang, junangde arübo amükeamrü thsüde I tankihbah.

WÜHKHE 18:7

Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

LUKNÜ ATHRÜTKHI THIYUSHEAK-ATSÜ HUHTANYU 1:5

Judea ching Herod kiulongthsürü lachoki, Abija amükeamrü chamnak lung lakhi amükeamrü khülang amung Zakaria lakheah; aniube ju Aron tsühsoniuso, amung Elizabeth lakheah.

LUKNÜ ATHRÜTKHI THIYUSHEAK-ATSÜ HUHTANYU 1:7

Tüshe ane tsührü müla, tümütüsho Elizabeth ju bünkeangberü tüsho ane chido khide shina lakheah.