LUKNÜ ATHRÜTKHI THIYUSHEAK-ATSÜ HUHTANYU 1:7 - AMÜSÜH HÜM CL Bible (BSI)

⁷ Tüshe ane tsührü müla, tümütüsho Elizabeth ju bünkeangberü tüsho ane chido khide shina lakheah.

LUKNÜ ATHRÜTKHI THIYUSHEAK-ATSÜ HUHTANYU 1:7 Iomraidhean Croise

THRÜNTAN 17:17

Abrahamnü amiro mükhümbah müne, tüsho api mulong chingnü tha, “Mihtsürü khülang kam 100 azorü ki tsührü zübeba de? Tüsho kam 90 azorü kamkhi Saranü khungarü hanba shi?”

THRÜNTAN 18:11

Abraham le Sara büne shina, tüsho kam hihde alakheah, tüsho khungarü lapü thsüde Sara kam hoa lakheah.

THRÜNTAN 25:21

Kheakü Isaknü aniube thsungkheak Atungpuh ki mushu, tümütüsho alibe bünkeangberü lakheah; apinü amushukhi Atungpuhnü alojih, tüsho aniube Rebeka mübünkeangde kam.

THRÜNTAN 30:1

Küyimki Rachelnü Jakob kilim tsührü müzübejihkheanü anihbenü achi lungkhangde kam, tüsho Jakob ki tha, “I kilim tsührübo zübeshang, jude yungsho I ashebah!”

1 KIULONG THSÜRÜ 1:1

Kiulongthsüpuh David khide shina lakheah; tüsho ayamlarübonü api khimnü phudodo she mülamlamde alakheah.

2 KIULONG THSÜRÜ 4:14

Apinü tha, “Dale tüsho anihbe thsungkheak tümü rhimoba?” Gehazinü alo, “Tsülah, alibe tsührü athrürü müla, tüsho aniubuh shina lah.”

LUKNÜ ATHRÜTKHI THIYUSHEAK-ATSÜ HUHTANYU 1:5

Judea ching Herod kiulongthsürü lachoki, Abija amükeamrü chamnak lung lakhi amükeamrü khülang amung Zakaria lakheah; aniube ju Aron tsühsoniuso, amung Elizabeth lakheah.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

LUKNÜ ATHRÜTKHI THIYUSHEAK-ATSÜ HUHTANYU 1:8

Junangde api chamnak yande Thrünpuh miki amükeamrü thsüde atankihchoki,

ROMRÜ KILIM PAULNÜ ATHRÜTKHI KIHÜM HUHTANYU 4:19

Api kam 100 bande azorü lakheah; tüshe api pang ashekhi nangde lümlüm she yungsho Sara tsührü mülalashe api akin anikhüh mükam.

IBRI 11:11

Akin hode Saranü anihbe ashinshu she mübünkeangpü wu leangkhi, tümütüsho anihbenü alokhibuh ju thiyuro lakhi khejih.

1 SAMUEL 1:2

Api niuberü mahne lakheah; khülang be mung Hanna, püpü mung Peninna. Peninna a tsührü lakheah, tüshe Hanna tsührü müla.