LUKNÜ ATHRÜTKHI THIYUSHEAK-ATSÜ HUHTANYU 1:51 - AMÜSÜH HÜM CL Bible (BSI)

⁵¹ Apinü anihbuh binnü sühmüh huhdo; apinü arü mulong ching lülüshishide alümkhi hiumüzütshih.

LUKNÜ ATHRÜTKHI THIYUSHEAK-ATSÜ HUHTANYU 1:51 Iomraidhean Croise

THRÜNTAN 11:8

Jumonü Atungpuhnü arübo ju chingnü alomi alala ching hiumüzütshih, tüsho arünü kiuto thsüpü tukloabah.

THRÜNTAN 6:5

Judüki alomi ching mihtsürü mihbukmuyuk tode alakhi Atungpuhnü ngü, tüsho api mulong ching lümkhi alala mutuklode amütsü lakheah.

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

MUNGSHIKHÜN 118:15

Asühachih tüsho akhümkhit düsheak thiyuro-lungkirü khimyambo ching lah; Atungpuh khah tsülimnü müzhakde rhimochoh.

MUNGSHIKHÜN 33:10

Atungpuhnü trükshih lümkhi zhomashihchoh; apinü arü lümkhi thsükhibo rhimopü zhipdochoh.

MUNGSHIKHÜN 52:9

Inü lünnü nü shijihbah, tümütüsho nünü ha rhimodo; tüsho nü yo amüsührübo miki inü nü tsülah de azhiyukbah.

MUNGSHIKHÜN 63:5

Shihkhiuk tüsho amüdang tsühkhi nangde I me reangkeambah, tüsho I münnü asühachihde nü shibah.

MUNGSHIKHÜN 89:10

Nünü Rahab ju alaksahkhi nangde dükheakshih; nünü nü bin amürangnü nü riribo müzütshih.

MUNGSHIKHÜN 89:13

Nü bin amürang lah; amüküp ju nü khah, tüsho achang ju nü khah tsülim ah.

MUNGSHIKHÜN 98:1

O, Atungpuh ki khün aso khülang thsang, tümüde apinü amüyinsahbebo rhimo! Api khah tsülim tüsho api amüsüh binnü akuk ngüdo.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 63:12

api mung akheam mülakhi kamshihpü shepünü api müretahkhi khah Mosa khah tsülim tsahshihkhea, shepünü arü müngüh kebo chamnakkhea,

JEREMIA 49:15

Tümüde inü nü trükshih bolung aninibe kamshihde, mihtsürünü mükhemükimshihbah.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

AMIKHEAKAKHIUKKHI 18:8

Jumonü anihbe arümbo, tukthsübo, tüzhopü tüsho khümzung nimungkhühnü arübah, tüsho anihbe monü aniuabahbah; tümüde anihbe mahkhapbuh ju Atungpuh Thrünpuh wuto ah.”