LUKNÜ ATHRÜTKHI THIYUSHEAK-ATSÜ HUHTANYU 1:25 - AMÜSÜH HÜM CL Bible (BSI)

²⁵ Alibenü tha, “Kheakü akheam ching Atungpuhnü I rungdo tüsho mihtsürü bolung I mungchih hande tsodo.”

LUKNÜ ATHRÜTKHI THIYUSHEAK-ATSÜ HUHTANYU 1:25 Iomraidhean Croise

THRÜNTAN 25:21

Kheakü Isaknü aniube thsungkheak Atungpuh ki mushu, tümütüsho alibe bünkeangberü lakheah; apinü amushukhi Atungpuhnü alojih, tüsho aniube Rebeka mübünkeangde kam.

2 SAMUEL 6:23

Tüsho Saul tsührü Mikal ashe nimung khiungde tsührü müladebah.

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 4:1

Ju nimung ching aliberü thünenü athrürü khülang kheak tholobah athabah, “ Isanü isa nihbe tsühyungbe tsühbah tüsho isa nihbe khimmih phuyubah; zhikdü lang nü mungnü isa jishang; isa achih hande tsojang.”

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:24

Ha dunglim aniube Elizabeth mübünkeangde kam tüsho khinu phüngü muwukhiukde thüyam ching la.

IBRI 11:11

Akin hode Saranü anihbe ashinshu she mübünkeangpü wu leangkhi, tümütüsho anihbenü alokhibuh ju thiyuro lakhi khejih.

MAHKHAPRÜ 11:37

Alibenü abuh ki tha, “ Ha I thsungkheaknü rhimoang: I langzü khinu mahne zojang, junangde inü yübah awungbo kheak rümde atsahbah tüsho I müyamrü le inü I tsangkhitkhi tüzhobah.”

1 SAMUEL 1:6

Anihbe azhihbenü amulong zhipzhipshihpü müneah, tümütüsho Atungpuhnü alibe nuyam yihdoabahjih.