LUKNÜ ATHRÜTKHI THIYUSHEAK-ATSÜ HUHTANYU 1:2 - AMÜSÜH HÜM CL Bible (BSI)

² Atankih chingnü harü ngübah isa ki ha yusheak zhiyukrünü ju thrüt.

LUKNÜ ATHRÜTKHI THIYUSHEAK-ATSÜ HUHTANYU 1:2 Iomraidhean Croise

MARK 1:1

Ha Thrünpuh tsührü Jisu Khrista thiyusheak atsü atankih.

MARK 16:20

Arünü yü tüsho Atungpuhnü arü lung rhimode tüsho khinthiyinbebo bede arü yu mütsanmükhi jihde lüpdükhi ching thsangyuthsangra.

MARK 4:14

Müjih-hiurünü thiyu ju hiuchoh.

LUKNÜ ATHRÜTKHI THIYUSHEAK-ATSÜ HUHTANYU 24:48

Tüsho harü dünkheak nüsa thiyumütsanbo lah.

JOHAN 15:27

Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

JOHAN 16:4

Tüshe inü harü nüsa ki thado, junangde küyimki kim arübanü, jurübo inü nüsa ki thakheah de nüsanü alümkhitbah. Tüsho inü harü nüsa ki atankih ching mütha, tümütüsho I nüsa lung lakheah.

YUNIRÜBO RHIMO 1:3

Api thsünü dunglim, api rhangdung lakheah de harü ki huh tüsho mütsandakkhi ahihdo jih. Apinü arü ki nimung yirü dükeak akhiuka huh tüsho Thrünpuh kiulongthsü dünkheak asuk.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 14:25

Tüsho arünü Perga ching thiyu thabah Attalia ching yüki;

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

YUNIRÜBO RHIMO 26:16

Tüshe asürübah nü jingnü zhipang; inü nü tankihrü khülang thsüpü tüsho nünü angükhi le inü nü ki huhpü lakhi thiyumütsan thsüpü mokhitpü nü ki akhiukkheah.

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

YUNIRÜBO RHIMO 8:4

Kheakü sherü hiumüzüta lakheanü thiyusheak thsangyuthsangrade yü.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

1 KORINT 4:1

Hanangde mihtsürübonü isa ju Khrista yamlarü tüsho Thrünpuh aramyu atoathüprü khejihbeah.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

1 PETER 5:1

I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

2 PETER 1:16

Isanü nüsa ki wu tüsho isa Atungpuh Jisu Khrista arüpü dünkheak thachoki thiyukheanbo kheak mangükih, tüshe api wüntremüretah isa müknü angükhi lah.