LUKNÜ ATHRÜTKHI THIYUSHEAK-ATSÜ HUHTANYU 1:17 - AMÜSÜH HÜM CL Bible (BSI)

¹⁷ Apinü bebuhrü mulong tsührübo kilim, tüsho mihyumanirü thiyuro lümlung lim rholoshihde Atungpuh thsungkheak mihtsürübonü athsakhamshihpü Elija me tüsho wu chingnü Atungpuh müngüh yübah.”

LUKNÜ ATHRÜTKHI THIYUSHEAK-ATSÜ HUHTANYU 1:17 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

2 KIULONG THSÜRÜ 1:16

tüsho api ki tha, “Atungpuhnü ha thachoh: Tümütüsho nünü Ekron thrünpuh Baal-zebub ki keokhishihpü yunithsürübo yüshih, ju api ki keokhipü Israel ching Thrünpuh mülamonü a de? Jumonü nü yükihkhi yapkiu kheaknü nü maki, tüshe tsükjide nü ashebah.”

1 KIUTHSÜYUKHEAN 29:18

O Atungpuh isa jipürü Abraham, Isak tüsho Israel Thrünpuh, hadürü lümkhi tüsho mulongkhi nü mihtsürübo mulong ching zojang, tüsho arü mulong nü kilim peang zojang.

2 KIUTHSÜYUKHEAN 29:36

Tüsho Hezekia le mihtsürü alalanü Thrünpuhnü mihtsürübo thsungkheak rhimokhi dünkheaknü asühachih; tümüde hadürü zukleangnü arü.

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 78:8

Arübo arü jipürü anihnih tüsho azhihkhi lün arü mulong tüsho me Thrünpuh ki thiyuro mülakhi nangde mülade alabah.

ISAIA 29:24

Tüsho sherünü me ching lakmih-a lanü anikhitkhi ching arübah, tüsho sherünü arhunganimchonü thsangdankhi leangkhibah.

AMOS 4:12

Jumonü inü ha nü ki rhimobah, O Israel; tümütüsho inü nü ki ha rhimobah, nü Thrünpuh shorupü thsakhamang, O Israel!

MATHI 11:14

tüsho nüsanü arü yusheak leangkhipü mulongsho, arüpü müchita lakhi Elija ju Johan ah.

MATHI 14:4

Tümüde Johannü api ki tha, “Nünü anihbe lupü yakzan müla.”

MATHI 3:3

Tümüde Isaia wukihrünü athakhi ju api ah: “Sunglo ching khülangnü azhikhi düsheak: ‘Atungpuh thsungkheak limro thsakhamang, api limtsahpung mukhiungarihdo thsüjang.’ ”

MATHI 3:4

Johannü kemel nam phuyu, shihküpnü achim rüm; tüsho api tsühyungbe ju tangkhobo le mukhuke lakheah.

LUKNÜ ATHRÜTKHI THIYUSHEAK-ATSÜ HUHTANYU 1:16

Tüsho apinü Israel tsührübo ahihkhüh Atungpuh arü Thrünpuh kilim rholoshihbah.

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

JOHAN 1:34

Tüsho ha Thrünpuh tsührü ah de inü ngü tüsho thiyumütsan thsü.”

JOHAN 3:28

Nüsa thiyumütsan lah, junangde inü tha, “ ‘I Khrista yung,’ tüshe ‘l api müngüh thiyikheah.’

YUNIRÜBO RHIMO 10:33

Jumonü inü nü kilim arüshih, tüsho nünü muzhode arü. Jumonü kheakü isa alala ha ching Atungpuhnü nü ki thiyukhüm jikhi anipü Thrünpuh miki lah.”

ROMRÜ KILIM PAULNÜ ATHRÜTKHI KIHÜM HUHTANYU 9:23

Tüsho apinü api müretah leangkhipü thsakhamkhi api mihmüthsüm kukruk ju apinü isa kheak dungkihkhi muzhomopungkhi api müretah akhiuka huhpü mulong.

KOLOSI 1:12

ayinatrüm ching amüsührü yamrüplurüp shihcham ching isa thülünde kamshihbuh, Abuh ki makshe jihde laang.

2 TIMOTHI 2:21

Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

1 SAMUEL 7:5

Judüki Samuelnü tha, “Israel alala Mizpa ching bemukhungang, tüsho inü nüsa thsungkheak Atungpuh ki tamkhüntamnüjihbah.”