LUKNÜ ATHRÜTKHI THIYUSHEAK-ATSÜ HUHTANYU 1:16 - AMÜSÜH HÜM CL Bible (BSI)

¹⁶ Tüsho apinü Israel tsührübo ahihkhüh Atungpuh arü Thrünpuh kilim rholoshihbah.

LUKNÜ ATHRÜTKHI THIYUSHEAK-ATSÜ HUHTANYU 1:16 Iomraidhean Croise

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

DANIEL 12:3

Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

MATHI 21:32

Tümüde thiyuro-lungki limro ching Johan nüsa kilim arü, tüsho nüsanü api kheak akin müla, tüshe ruk-threrübo tüsho müzammüramrübonü api kheak akin la; tüsho nüsanü ha ngü dunglim she nüsa mulong mümüthri tüsho api kheak mükin.

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

LUKNÜ ATHRÜTKHI THIYUSHEAK-ATSÜ HUHTANYU 3:3

tüsho apinü neak bahpü mulong müthride baptipü thsangyuthsangrade Jordan lomi alala ching yü.