LEVI 9:4 - AMÜSÜH HÜM CL Bible (BSI)

⁴ tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”

LEVI 9:4 Iomraidhean Croise

ABEKHIT 16:10

Kheakü Aronnü Israel boto alala ki asukchoki, arünü sunglo limpeang kheah, tüsho Atungpuh müretahkhi amo ching akhiuk.

ABEKHIT 19:11

Tüsho arübo mahsam nipü thsungkheak thsakhamshang. Tümütüsho mahsam nipü Sinai Müzüng kheak mihtsürü alala miki Atungpuh akibah.

ABEKHIT 24:16

Kheakü Atungpuh müretahkhi Sinai Müzüng kheak aki, tüsho amonü ju nimung thuruk liudo, tüsho athüne nipü apinü amo phulungnü Mosa ji.

ABEKHIT 29:43

ju ching inü Israelrü she ashorubah, tüsho ju dangpung I müretahkhinü atsangkhitbah.

EZEKIEL 43:2

Tüsho ju ching Israel Thrünpuh müretahkhi ju aniakhiuklimnü arüde alakheah; düsheak ju keto ato düsheak nangde alakheah; tüsho api müretahkhinü alomi tah.

EZEKIEL 43:27

Küyimki harü nimungbo hobanü, nimung tizheah ninü rünbah amükeamrübonü nü yo taka kingaünbo tüsho mungtsü kingaün sadam kheak jihbah; tüsho inü nü leangkhibah, Atungpuh Thrünpuhnü thachoh.

LEVI 2:1

Mihtsürü khürünü Atungpuh kilim hi kingaün jihsho apinü akhuhde ayikangkang kamde chuthünakang. Apinü ju ching oliv müdangke tüsho rhümthüneabe yukang,

LEVI 3:1

Küyimki khürünü mungtsü kingaünpü shiwüh jihbanü, Atungpuh miki lapha mükihkhi moshi pung yungsho dre thsübeah.

LEVI 9:23

Mosa tüsho Aron ane Atungpuh shorupung yam ching yüzah, tüsho küyimki ane akhiukkheanü anenü mihtsürübo müngühjih, tüsho mihtsürübo ki Atungpuh müretahkhi akhiuka huh.

LEVI 9:3

Tüsho Israel mihtsürübo ki thaang, ‘ Nüsanü neak kingaünpü mihnupung khülang, tüsho taka kingaünpü kam khülang bankhitkhi moshi nunu tüsho mihnupung lapha mükihkhi luang,

LEVI 9:5

Mosanü thiyukhüm jihkhi nangde arünü athrünkhi ashorupung khimyam müngüh handarü, tüsho amukhungrü alala phünide arübah Atungpuh miki zhip.

LEVI 9:6

Tüsho Mosanü tha, “Ha nüsanü arhimoshihpü Atungpuhnü thiyukhüm jihkhi rhimo ah; tüsho Atungpuh müretahkhi nüsa ki akhiukbah.”

WÜHKHE 14:10

Tüshe boto alalanü ane rusahabahpü asukachih, judüki Atungpuh müretahkhi ashorupung khimyam ching Israelrü mihtsürü alala miki akhiuka huh.

WÜHKHE 16:19

Tüsho Koranü arü azhihde alala arüngkhimyam ripit ki bemukhung, tüsho Atungpuh müretahkhi boto alala ki akhiuka huh.