LEVI 9:3 - AMÜSÜH HÜM CL Bible (BSI)

³ Tüsho Israel mihtsürübo ki thaang, ‘ Nüsanü neak kingaünpü mihnupung khülang, tüsho taka kingaünpü kam khülang bankhitkhi moshi nunu tüsho mihnupung lapha mükihkhi luang,

LEVI 9:3 Iomraidhean Croise

THRÜNTAN 37:31

Judüki arünü mihnu khülang laksah tüsho Josep yo shulünkhim thiyih ching thsam.

EZRA 10:19

Arünü arü niuberü bahpü thiyuchihchim, tüsho arü neak dünkheak namfimihnupung khülangnü kingaün.

EZRA 6:17

Ha Thrünpuh yam müsüpü thsungkheak arünü moshi 100, namfimihnupung 200, namfimihnu 400, tüsho neak kingaün thsungkheak mihnupung 12, Israel trük aban khülang khülang jih.

ABEKHIT 12:5

Nüsa namfimihnunu ju kam khülang bankhi lapha mükihkhi pung labeah. Nüsanü namfimihnu yungsho mihnu bolungnü alupü kuklah.

ISAIA 53:10

Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

LEVI 10:16

Tüsho Mosanü neak kingaünpü mihnu dünkheak düshihde atsangashu tüsho ju takabah-a lakheah. Ju dünkheaknü Aron tsührübo aninga lakhi Eleazar le Ithamar büne ki bukakhiuk, tüsho tha,

LEVI 12:6

Küyimki alibe müsühkhitpü nimung bankhitbanü, tsührü athrürü yungsho aliberü dün thsüthsü, alibenü kam khülang bankhi namfimihnunu Atungpuh shorupung khimyam ripit ki amükeambuh kilim taka kingaünpü handarübah, tüsho müthrithrümpü yungsho chithüreku, neak kingaünpü jihbah,

LEVI 14:10

Tüsho nimung atizheah nipü apinü lapha mükihkhi namfimihnunu kam khülang bankhi dre khülang, hi kingaün thsungkheaknü ayikangkang atsüdak muluk shihcham thürü ching shihcham mahsam lung müdangke thsürubah, tüsho müdangke pungdüchi shihchamkhüh handarübah.

LEVI 16:15

Jushu apinü mihtsürübo thsungkheak neak kingaünpü mihnu laksahbah, tüsho khim zhindokhi khüp athiyih handarübah, tüsho moshi thiyih rhaka bahkhi ruk, akhidopü kheak tüsho tangzüng sangdan mikhuh ching rhaka bahbah.

LEVI 16:5

Israel trüknü Aron kilim mihnupung mahne neak kingaünpü tüsho namfimihnupung khülang taka kingaünpü jihbah.

LEVI 23:12

Tüshe hi phung müleamde ajih nimung, nünü lapha mükihkhi namfimihnunu pung kam khülang bankhi Atungpuh kilim taka kingaünang.

LEVI 4:23

tüsho anihbuh neak apinü mükheahkhitsho, apinü nihbuh kingaün lapha mükihkhi mihnupung handarübah.

LEVI 4:3

Mujude-müsühkhitkhi amükeambuhnü neak yihbeakde mihtsürübo kurungkheak amakham arüsho, apinü moshipung nunu lapha mükihkhi api neak dün Atungpuh kilim kingaünbah.

LEVI 9:2

tüsho apinü Aron ki tha, “ Neak kingaün thsungkheak moshipung nunu tüsho taka kingaünpü mihnupung lapha mükihkhibo luang, tüsho Atungpuh miki kingaünang.

LEVI 9:4

tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,