LEVI 9:24 - AMÜSÜH HÜM CL Bible (BSI)

²⁴ Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

LEVI 9:24 Iomraidhean Croise

THRÜNTAN 15:17

Küyimki ani yüzahbah mitingdo akamkhea, mokhühkhi mophüh khülang tüsho tsünduphung khülang akhiukbah shiwüh khapnakkhi phulung chingnü hode yü.

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

2 KIULONG THSÜRÜ 19:15

Tüsho Hezekianü A TUN GPU H miki tamkhüntamnü, tüsho tha: “O Atungpuh Israel Thrünpuh, shepü cherubim kumung binla, lomi kiulongthsübo alala kurungkheak nü lang Thrünpuh; nünü thüning tüsho alomi thrün.

1 KIUTHSÜYUKHEAN 21:26

Davidnü ju ching Atungpuh kilim kingaün sadam khülang thsü tüsho taka kingaünkhi le mungtsü kingaünbo jih. Apinü Atungpuh ki ji, tüsho apinü taka kingaünkhi kingaün sadam kheak thüning chingnü mo akishihde api ki alojih.

2 KIUTHSÜYUKHEAN 6:2

Inü nüsa kilim wüntre-müretah yam khülang, nüsa thsungkheak lünnü alapü dangpung thsüjihdo.”

EZRA 3:11

Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

ABEKHIT 3:2

Tüsho sangrung phulung motru khülang ching Atungpuh yunirü api ki akhiuk. Sangrung kheak mo trude lalashe sangrung ju mütak.

LEVI 10:2

Tüsho Atungpuh kilimnü mo akhiukbah Atungpuh miki ane taksahabah.

LEVI 6:13

Kingaünpung kheak mo ju mutukzhakde atakbah; ju mümütshih.

WÜHKHE 14:5

Mosa le Aron anenü Israelrü amukhungrü boto miki mükhüm.

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 23:21

Jakob kheak apinü amülim mükheahkhit, yungsho Israel ching mihbukmuyuk müngü, Atungpuh arü Thrünpuh ju arü lung lah, tüsho api ju arü kiulongthsüpuh ah de azhikhi arü bolung lah.

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

AMIKHEAKAKHIUKKHI 4:9

Tüsho küyimki arhang shiwühbo kiulongthsü-binkiu kheak binkhi, lünnü lün labuh kilim müretah, wüntre tüsho makshe jihbanü,

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

AMIKHEAKAKHIUKKHI 7:11

Tüsho yunirü alalanü kiulongthsü-binkiu, azothsürübo tüsho arhang shiwüh phüyi mükamde zhip, tüsho kiulongthsü-binkiu miki arü miro mükhüm tüsho Thrünpuh kingaünde

MAHKHAPRÜ 13:23

Judüki aniubenü api ki tha, “Atungpuhnü isa laksahpü lümkhülaa, apinü taka kingaün tüsho hi kingaün isa khah chingnü müleangkhi, yungsho isa ki hadürü alala muhuh, yungsho ha kim ching hadürü apinü isa ki müthaa labah.”

MAHKHAPRÜ 6:21

Judüki Atungpuh yunirünü akhah ching shuhkhi tso mulonü shih le phaüm muyukkhi yikhap qiu; tüsho lungto chingnü mo akhiukbah shih le phaüm muyukkhi yikhap aniuabah. Tüsho Atungpuh yunirü api mikinü müladebah.