LEVI 9:23 - AMÜSÜH HÜM CL Bible (BSI)

²³ Mosa tüsho Aron ane Atungpuh shorupung yam ching yüzah, tüsho küyimki ane akhiukkheanü anenü mihtsürübo müngühjih, tüsho mihtsürübo ki Atungpuh müretahkhi akhiuka huh.

LEVI 9:23 Iomraidhean Croise

2 KIUTHSÜYUKHEAN 7:1

Küyimki Solomonnü tamkhüntamnü kheamkhea, thüning chingnü mo aki tüsho taka kingaünkhi le laksah-a kingaünkhibo aniuabah; tüsho Atungpuh müretahkhinü arüngyam mi.

ABEKHIT 16:10

Kheakü Aronnü Israel boto alala ki asukchoki, arünü sunglo limpeang kheah, tüsho Atungpuh müretahkhi amo ching akhiuk.

ABEKHIT 39:43

Atungpuhnü thiyukhüm jihkhi nangde arü rhimobo Mosanü kheahkham, jumonü Mosanü arü müngühjih.

LEVI 9:4

tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”

LEVI 9:6

Tüsho Mosanü tha, “Ha nüsanü arhimoshihpü Atungpuhnü thiyukhüm jihkhi rhimo ah; tüsho Atungpuh müretahkhi nüsa ki akhiukbah.”

WÜHKHE 14:10

Tüshe boto alalanü ane rusahabahpü asukachih, judüki Atungpuh müretahkhi ashorupung khimyam ching Israelrü mihtsürü alala miki akhiuka huh.

WÜHKHE 16:19

Tüsho Koranü arü azhihde alala arüngkhimyam ripit ki bemukhung, tüsho Atungpuh müretahkhi boto alala ki akhiuka huh.

WÜHKHE 16:42

Tüsho küyimki botonü Mosa tüsho Aron azhihde mukhungkhea, anenü arüngkhimyam lim abin; zukleangnü amonü ju liudoabah, tüsho Atungpuh müretahkhi akhiuk.