LEVI 8:23 - AMÜSÜH HÜM CL Bible (BSI)

²³ Mosanü ju laksahbahle athiyih khürü lubah Aron nuku müzhean tsülim, akhahkutopü tsülim, tüsho ajingkutopü tsülim yihkihjih.

LEVI 8:23 Iomraidhean Croise

ABEKHIT 29:20

Ju laksahbah athiyih khürü luang tüsho Aron le atsührübo nuku müzhean kheak, tsülim khahkutopübo kheak, tüsho tsülim jingkutopübo kheak yihkihjang. Tüsho kingaün sadam alala mükamde athiyih rhakkihang.

ABEKHIT 29:21

Tüsho kingaün sadam kheaknü athiyih khürü tüsho amujube müdangke luang tüsho Aron le atsührübo khimmihbo kheak rhakkihang. Jushu api le atsührübo tüsho arü khimmihbo müsühkhitbah.

LEVI 14:14

Amükeambuhnü namfimihnunu thiyih khürü lubahle müsühkhitpü lakhi mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihbah.

LEVI 14:17

Apinü amüyi ching yo müdangke tüsho namfimihnunu thiyih khürü ashaklo kingaün lubahle müsühkhitpü lakhi mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihbah.

LEVI 14:25

Apinü namfimihnunu laksahbahle athiyih khürü lubah tüsho ju mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihjihbah.

LEVI 14:28

Apinü ashaklo kingaün thsungkheak thiyih yihkihpung kheak lang müdangke khürü yihkihbah: ju mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihbah;

LEVI 7:37

Jumonü ha yakzanbo ha taka kingaün, hi kingaün, neak kingaün, ashaklo kingaün, müsühkhitkhi kingaün, tüsho shuhmülanga jihkhi mungtsü kingaünbo thsungkheaknü ah.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

ROMRÜ KILIM PAULNÜ ATHRÜTKHI KIHÜM HUHTANYU 6:13

Nü pang shihchambo ju mihbukmuyuk rhimopü neak kilim düjih, tüshe ashe chingnü arhang kamlokhi mihtsürü nangde tüsho nü pang shihchambo thiyurolungki rhimopü Thrünpuh kilim jihang.

ROMRÜ KILIM PAULNÜ ATHRÜTKHI KIHÜM HUHTANYU 6:19

Nüsa yakli mukhiukdahkhinü inü mihtsürü lalim yande thachoh. Khülangki nüsa pang shihcham mütsangkhitkhi tüsho amülim atobe lim jihkhi nangde kheakü nüsanü atsangkhitpü thsungkheak thiyuro-lungki lim jihang.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 6:20

nüsa ju amo jihbah athulokheah. Jumonü nüsa pang ching Thrünpuh müretahshang.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

1 TESALONIKA 5:22

amütsü mungjibo chingnü bahkhiang.

IBRI 2:10

Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah.

IBRI 5:8

Api ju atsührü thsüa lalashe, apinü thsünükhi hode mihyuanipü mükheah;