LEVI 7:9 - AMÜSÜH HÜM CL Bible (BSI)

⁹ Hi kingaünkhibo yinchikuk, yungsho keangkihphüh yungsho tak-phuru chingnü thsakhama anungkhi ju Thrünpuh kilim jihbuh amükeambuh yo thsübah.

LEVI 7:9 Iomraidhean Croise

2 KIULONG THSÜRÜ 12:17

Ju kim ching Siria kiulongthsüpuhnü Gad bede keochihpü tüsho yankhia lupü wutu. Tüshe küyimki Hazaelnü Jirusalem azhihde awutupü amiro anguhkhea,

EZEKIEL 44:29

Arünü hi kingaün, neak kingaün, tüsho amülim kingaün tsühbah; tüsho Israel ching kingaünkhi kukruk alala arü yo thsübah.

LEVI 2:10

Aningkhi ayikangkang ju amükeamrübo yo thsübah; ha Atungpuh kilim taka kingaünkhi chingnü khide amüsüh ah.

LEVI 5:13

Hanangde amükeambuhnü mihtsürünü ayihbeakkhi neak dünthsükhibah, tüsho api neak bahjihbah. Ha kingaünkhi ching akhualokhi nangde aningkhi ayikangkang ju amükeambuh yo thsübah.

LEVI 7:10

Tüshe amükhiungkhi hi kingaün alala, müdangke yukkhi thsüthsü yungsho akung thsüthsü, Aron tsührü amükeamrübo yo thsübah tüsho arü bolung rukhühnü chama lubah.

LEVI 7:8

Tüsho amükeamrü shepünü khürü yo taka kingaünkhi jihchonü, taka kingaünkhi küp ju anihbuh lubah.

WÜHKHE 18:9

Ha mo ching mütakbe khide amüsüh kukruk nü yo thsübah: arünü kingaünkhibo, hi kingaünkhi, neak kingaünkhi tüsho arünü I kilim shuhmülanga jihkhi amülim dün kingaünbo ju nü tüsho nü tsührübo thsungkheaknü khide amüsüh labah.

1 KORINT 9:13

Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de?

1 KORINT 9:7

Shepünü nihbuh küdahnü bahzübahdode bonungrü rhimo thsücho? Shepünü aso asokhi mütsühde kurungasolu thsücho? Shepünü niuhke müyungde mihnu boto neakcho?

GALATIA 6:6

Shepü ki thiyu thsangyukhea, api kukruk atsü alala thsangyurü ki chamachihang.