LEVI 7:21 - AMÜSÜH HÜM CL Bible (BSI)

²¹ Tüsho khürünü tümükhüh amümüsüh kukruk qiubah ha mungtsü kingaün Atungpuh kilim jihkhi shih tsühsho, mihtsürü thsüthsü yungsho shiwüh thsüthsü, api ju nihbuh mihtsürü bolungnü khekhita bahbah.

LEVI 7:21 Iomraidhean Croise

THRÜNTAN 17:14

Tüsho athrürü shepü tsütamübahbanü ju mihtsürü anihbuh mihtsürü lungnü khekhita bahbah; apinü I tangzüng thsümünimdo.”

ABEKHIT 12:15

“Nüsanü nimung thüne phaüm muyukkhi yikhap tsühbah. Akhuhbe nimung nüsanü nüsa yambo chingnü phaüm yihkhita bahang. Tümütüsho shepünü akhuhbe nimungnü thüne ni khiungde phaüm yukkhi yikhap tsühbanü, ju mihtsürü Israel chingnü khekhita bahbah.

ABEKHIT 12:19

Nimung thüne nüsa yambo ching phaüm müngüshih, tümütüsho shepünü phaüm yukkhi tsühbanü, khiungkerü yungsho ha lo ching asürükhi thsüthsü ju mihtsürü Israel amukhungrü bolungnü khekhita bahbah.

EZEKIEL 33:25

Jumonü arü ki thaang, Atungpuh Thrünpuhnü ha thachoh: Nüsanü thiyih bede shih tsühchoh, tüsho sangthsübo ki nüsa mükbo züngkihchoh, tüsho thiyih bukchoh; dale nüsanü alo ju amükühba de?

EZEKIEL 4:14

Judüki inü tha, “Jude yung, Wuto Atungpuh ! Inü küyimkishe I müneana mükheah. I athunu kinü kheakü khiungde inü küyimkishe ashekhi yungsho mütüm shiwühbonü athonakkhi mütsühakheah. Mümüsühkhi shih tümü she I mün ching yüzah-a mükheah.”

LEVI 11:20

Aghi kihbe lorilokobo ajing phüyinü abübe alala nüsa thsungkheaknü mümüsüh.

LEVI 12:1

Atungpuhnü Mosa ki tha,

LEVI 17:10

Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

LEVI 17:14

Tümüde rhangdung lakhi shiwüh alala thiyih ching lah, jumonü inü Israel mihtsürü ki tha: Nüsanü tümü shih thiyih she dütsüh, tümüde rhangdung lakhi shih alala thiyih ah. Shepünü atsühbanü khekhita bahbah.

LEVI 18:29

Tümüde harü athraneanbe rhimo arü mihtsürü bolungnü khekhita bahbah.

LEVI 19:8

Ha tsührü alala nihbuh zangrü neak hanbah, tümüde arünü Atungpuh kilim amüsüh kukruk mükhemükimdo; tüsho ju mihtsürü ju mihtsürü bolungnü khekhita bahbah.

LEVI 20:3

Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah.

LEVI 22:3

Arü ki thaang: Nü lünbo amuyung ching nü tsührü-tsührü bolung khürükhüh mümüsühde alachoki Israelrünü Atungpuh kilim müsühkhitde kingaün jihkhi miki arüsho, api ju I mikinü khekhita bahbah: I Atungpuh ah.

LEVI 22:4

Aron tsührü-tsührü bolung apham yungsho pang chingnü amüyeanrü shenü she nihbuh mümüsühkhityi khiungde amüsüh kingaünkhi mütsüh. Shepünü ashemi yungsho ke müyeanrü kheak qiubanü mümüsüh,

LEVI 23:29

Tümütüsho shepünü ha nimung ching müthsünübanü api mihtsürü bolungnü khekhita bahbah.

LEVI 7:20

Tüshe amümüsührü khürünü ha mungtsü kingaün Atungpuh kilim jihkhi tsühsho, api ju nihbuh mihtsürü bolungnü khekhita bahbah.

LEVI 7:22

Atungpuhnü Mosa ki tha,

LEVI 7:25

Khürünü Atungpuh kilim taka kingaünkhi shiwüh müdang tsühsho, api ju nihbuh mihtsürü bolungnü khekhita bahbah.

LEVI 7:27

Khürünü ha thiyih tsühsho api ju nihbuh mihtsürü bolungnü khekhita bahbah.”

WÜHKHE 19:22

Tümüpürü amüneankhi mihtsürünü aqiubanü müneana labah; tüsho mihtsürü shepünü ju qiubanü arelim khiungde müneana labah.

YUZÜNGTHALO 14:10

Tüshe tümüpürü aghi tüsho aphülap mükihnü nüsanü dütsüh; ha nüsa thsungkheaknü mümüsüh.

YUZÜNGTHALO 14:3

“Nünü athraneanbe mungji tümü she dütsüh.

1 SAMUEL 20:26

Saulnü ju nimung tümü she mütha; tümüde apinü lüm, “ Api kheak tümükhüh dünjia lah; api mümüsüh, tsükjide api mümüsüh.”