LEVI 7:18 - AMÜSÜH HÜM CL Bible (BSI)

¹⁸ Khürünü ha mungtsü kingaünkhi shih mahsam nipü tsühsho anihbuhnü kingaünkhi ju müleangkhi, ju mükheyuk; tüshe amümüsühkhi khejihbah, tüsho shepünü atsühbanü apinü neak hanbah.

LEVI 7:18 Iomraidhean Croise

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

ISAIA 65:4

shepü kiuyukbo lung bincho, tüsho azhing ching kiuyukbo ching lacho; shepünü kheaknu shih tsühcho, tüsho arü phühbo ching athraneanbe kelam la;

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 14:10

Ha mihtsürü dünkheaknü Atungpuhnü ha thachoh: Tsükjide arünü rümde atsahpü muzhodo, arünü arü jing mutuklo; jumonü Atungpuhnü arü müleangkhi, kheakü apinü arü mülimkhibo lümkhitbah tüsho arü neakbo dünkheak thsümüchibah.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

EZEKIEL 18:20

Neak yihbeakrü me ju ashebah. Tsührünü abuh amülim mühanrung, yungsho abuhnü tsührü amülim mühanrung. Thiyuro-lungkirü thiyuro-lungkikhi ju api kilim yukajakjihbah, tüsho mihbukmuyukrü mihbukmuyukkhi ju api yo thsübah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

LEVI 10:17

“Tümüde nüsanü neak kingaünkhi amüsüh dangpung chingnü mütsühkhea? Tümüde ha khide amüsüh, tüsho boto neak dünthsükhishihpü thsüde Atungpuhnü nüsa kilim jihkheah.

LEVI 10:19

Tüsho Aronnü Mosa ki alo, “ Kheahang, khihni arünü neak kingaün tüsho taka kingaünkhi Atungpuh kilim jihdo; judüalalashe I kheak atrebe dünjia lah! Inü neak kingaünkhi khihni tsühkhülaa, Atungpuh miki aleangkhikhukbe laba shi?”

LEVI 11:41

Alo kheak abüde atsahbe loriloko alala athraneanbe ah; jurübo mümüsüh.

LEVI 17:16

Tüshe apinü khimmih mümüsüh yungsho kemümüyihsho, ju neak apinü ahanbah.

LEVI 19:5

Küyimki nüsanü Atungpuh kilim mungtsü kingaün thsungkheak laksah-a jihbanü, nüsa thsungkheak inü aleangkhikhukpü thsüde jihang.

LEVI 20:17

Athrürü khülangnü nihbuh chiniurü lusho, abuh tsührü yungsho abe tsührü thsüthsü, tüsho anenü nungsho, ju khide amütsü rhimo ah. Tüsho ane ju nihbe mihtsürü mük kinü yankhita bahbah. Apinü nihbuh chiniurü mungchihshihdo. Apinü nihbuh amülim hanbah.

LEVI 20:19

Nü be niurü yungsho nü buh niurü kheak dünung, tümüde junü betsührü khung thsükhi wüntre mülade akambah; nüke chidonü neak hanbah.

LEVI 22:16

yungsho arü ki thiyukhüm jihbahle amüsüh kingaünkhi tsühkhi hode arübo kheak amülim akihbah; tümüde I Atungpuhnü jurü mümüsühkhit.

LEVI 22:23

Moshipung yungsho namfimihnunu ajingkhah alü shangkhi yungsho alü khihkhi nüsanü mulongkhi kingaünpü kuklah, tüshe alokhikhi dünkheak a ju müleangkhi.

LEVI 22:25

yungsho hadürü shiwüh khiungkerü khah chingnü leangkhia nüsanü Atungpuh kilim tsühyungpü kingaün düjih. Tümüde jurü kheak lapha tüsho areak kihkhi hode nüsa thsungkheaknü müleangkhi.

LEVI 5:17

Mihtsürü khürünü müreanglimnü Atungpuh yukhüm thsümünimsho, api amülim thsübah tüsho ju mülimkhi apinü ahanbah.

LEVI 7:19

Amümüsühkhi kukruk kheak qiukhi shih ju mütsüh, tüshe monü takabahbeah. Sherü müsühlanü arünü shih ju atsühpü kuklah.

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MALAKI 1:13

Nüsanü thachoh, “Ha küdükhüh she akhikhi la,” tüsho nüsanü I ki nupung kokihchoh, Wuto Atungpuhnü thachoh. Nüsanü ahühkhi yungsho akikkhi yungsho tukthsükhi shiwüh kingaün hande arüchoh! Inü ju nüsa khah chingnü leangkhiba shi? Atungpuhnü thachoh.

WÜHKHE 18:27

Tüsho nünü arung kingaün jihkhi ju rhimopung ching yo hi tüsho yukhu aso nangde akhebah.

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

ROMRÜ KILIM PAULNÜ ATHRÜTKHI KIHÜM HUHTANYU 4:11

Apinü tsütabahkhi ju api tsütamübahyichoki akin hode alakhi thiyuro-lungki amütsan yungsho mütsanyüm khülang nangde leangkhi. Jumonü api ju tsütamübahde akinrü alala abuh ah, junangde arü ki thiyurolungki khejihbah.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.