LEVI 7:12 - AMÜSÜH HÜM CL Bible (BSI)

¹² Khürünü Atungpuh kilim makshe kingaün jihsho apinü shiwüh lung phaüm muyukkhi yikhap bebah shuhmülanga jihbah: ju ayikangkangnü anungkhi yikhap ching müdangke yukkhi yungsho yikhapkheam müdangkenü amujukhi yungsho ayikangkang atsüdak ching müdangke yukkhi yikhap jihbeah.

LEVI 7:12 Iomraidhean Croise

2 KIUTHSÜYUKHEAN 29:31

Judüki Hezekianü tha, “ Kheakü nüsa Atungpuh kilim müsühkhitdo; phünide arang, kingaünbebo lude arang tüsho Atungpuh yam ki makshe kingaün jihang.” Amukhungrünü kingaünbebo lude arü tüsho makshe kingaünbo jih; tüsho mulongsahde alarü alalanü taka kingaünkhibo lude arü.

2 KIUTHSÜYUKHEAN 33:16

Apinü Atungpuh kingaün sadam she thsülo tüsho ju kheak mungtsü tüsho makshe kingaünbo jih; tüsho apinü Atungpuh Israel Thrünpuh tankihshihpü Juda ki thiyukhüm jih.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

MUNGSHIKHÜN 107:8

O, mihtsürübonü api tsükhi, tüsho mihtsürü tsührü kilim api amüyinsahbe rhimokhibo thsungkheak Atungpuh kilim makshe jihkhülaa!

MUNGSHIKHÜN 116:17

Inü nü kilim makshe jihde laksah-a kingaünkhi jihbah, tüsho inü Atungpuh mung jibah.

MUNGSHIKHÜN 50:23

shepünü makshe-jihkhi kingaün shuhmülanga hande arüchonü I wüntrechoh; alungki limro ching yürü ki inü Thrünpuh akhümkhit huhbah.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

LEVI 2:4

Kingaün ju yinchikuk chingnü akhapkhi yikhap thsüsho, ju ayikangkang atsüdakbe tüsho oliv müdangke yukbah anungkhi phaüm muyukkhi yikhap yungsho phaüm muyukkhi yikhapkheam thsübeah.

LEVI 2:5

Kingaün ju tak-phuru chingnü akhapkhi yikhap thsüsho, phaüm muyukkhi ayikangkang ching oliv müdangke yukkhi thsübeah.

LEVI 22:29

Nüsanü küyimki makshe jihkhi Atungpuh kilim shuhmülanga jihbanü, nüsa dünkheak aleangkhikhukpü thsüde jihang;

LEVI 6:16

Tüsho aningkhi Aron tüsho atsührübonü phaüm muyukde amüsüh dangpung khülang chingnü atsühbah; ju Atungpuh shorupung khimyam dükeak chingnü atsühbah.

LEVI 7:15

Makshe jihde mungtsü kingaünkhi shih ju shuhmülanga jihkhi nimung tsühkhambeah; ashido yapsu khiungde anikhüh she maningshih.

AMOS 4:5

phaüm yukkhi yikhapnü makshe jihkhi kingaün handarang, mulongkhi kingaün zhiyukang, jurü dünkheak kükheangang; tümüde judürü rhimopü nüsanü muzholah, O Israel mihtsürü! Atungpuh Thrünpuhnü thachoh.

WÜHKHE 6:15

kheaküshe apinü phaüm muyukkhi yikhap mulukkhüh, ayikangkang ching oliv müdangke yukbah athsükhi yikhap tüsho oliv müdangke yukbah anungkhi phaüm müzahkhi yikhap ninibo, arü hi kingaünbo tüsho yukhu kingaünbo lungnü ajihbah.

LUKNÜ ATHRÜTKHI THIYUSHEAK-ATSÜ HUHTANYU 17:16

tüsho api jing ki ami mükhümbah makshe jih. Tüsho api ju Samariarü lakheah.

LUKNÜ ATHRÜTKHI THIYUSHEAK-ATSÜ HUHTANYU 17:18

Ha khiungkerü kheak hode alode arübah Thrünpuh mung shipü she mülakhea de?”

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.