LEVI 7:11 - AMÜSÜH HÜM CL Bible (BSI)

¹¹ Ha Atungpuh kilim mungtsü kingaün jihpü yakzan ah.

LEVI 7:11 Iomraidhean Croise

2 KIUTHSÜYUKHEAN 29:31

Judüki Hezekianü tha, “ Kheakü nüsa Atungpuh kilim müsühkhitdo; phünide arang, kingaünbebo lude arang tüsho Atungpuh yam ki makshe kingaün jihang.” Amukhungrünü kingaünbebo lude arü tüsho makshe kingaünbo jih; tüsho mulongsahde alarü alalanü taka kingaünkhibo lude arü.

2 KIUTHSÜYUKHEAN 33:16

Apinü Atungpuh kingaün sadam she thsülo tüsho ju kheak mungtsü tüsho makshe kingaünbo jih; tüsho apinü Atungpuh Israel Thrünpuh tankihshihpü Juda ki thiyukhüm jih.

MÜCHITMUDU 7:14

“ I lung mungtsü kingaün lah; khihni inü thiyuchihchim jihdo.

EZEKIEL 45:15

tüsho Israel rimlopung chingnü, namfimihnu 200 aban chingnü namfimihnu 1 labah. Ha kingaünbo ju arü dünthsükhipü hi kingaün, taka kingaün, tüsho mungtsü kingaün labah, Atungpuh Thrünpuhnü thachoh.

LEVI 19:6

Nüsanü akingaünkhi shih ju, ju nimung yungsho ashidopünü tsühabahbeah. Tüsho nimung asam nipü aningkhi shih ju monü takabahbeah,

LEVI 22:29

Nüsanü küyimki makshe jihkhi Atungpuh kilim shuhmülanga jihbanü, nüsa dünkheak aleangkhikhukpü thsüde jihang;

LEVI 7:10

Tüshe amükhiungkhi hi kingaün alala, müdangke yukkhi thsüthsü yungsho akung thsüthsü, Aron tsührü amükeamrübo yo thsübah tüsho arü bolung rukhühnü chama lubah.

LEVI 7:29

Israelrü tsührübo ki thaang: Shepünü nihbuh mungtsü kingaün Atungpuh kilim shuhmülanga jihbanü api mungtsü kingaün shuhmülanga jihkhi chingnü Atungpuh kilim kingaün jihbah.

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

WÜHKHE 7:23

tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Zuar tsührü Nethanel kingaün lakheah.