LEVI 7:1 - AMÜSÜH HÜM CL Bible (BSI)

¹ Harü ha ashaklo kingaün thsungkheaknü khide amüsüh yakzanbo ah.

LEVI 7:1 Iomraidhean Croise

2 KIUTHSÜYUKHEAN 31:14

Levirü Imna tsührü Kore, aniakhiuklim ripit neakbuh ju Thrünpuh kilim mulongkhi kingaün, Atungpuh thsungkheak arung hanmukhunga zokhi shihcham thsüpü tüsho khide amüsüh kingaünkhibo rhimopü lakheah.

EZEKIEL 40:39

Tüsho chipiripit mükü ching thrip abande dükhüm mahnene lakheah, ju taka kingaün, neak kingaün tüsho laksah-a kingaünpü laksahpung lakheah.

EZEKIEL 44:29

Arünü hi kingaün, neak kingaün, tüsho amülim kingaün tsühbah; tüsho Israel ching kingaünkhi kukruk alala arü yo thsübah.

EZEKIEL 46:20

Apinü I ki tha, “Ha amükeamrübonü amülim kingaün tüsho neak kingaün tüsho hi kingaün dükihpung dangpung lah, junangde jurü aleangbe khikzhakpung ching hande muwukhiuk tüsho mihtsürübo ki amüsühkhitkhi muhuh.”

LEVI 21:22

Apinü api Thrünpuh tsühyungpü khide amüsüh tüsho amüsüh ane chido tsühpü kuklah,

LEVI 5:11

Tüshe apinü müthrithrümpü mahne yungsho chithüreku nunu mahne hande marükhuksho, apinü ayikangkang atsüdak khahngak 1 neak kingaünpü handarübah. Apinü müdangke thsüthsü rhümthüneabe thsüthsü ju ching muyuk, tümüde ha neak kingaün ah.

LEVI 5:14

Tüsho Atungpuhnü Mosa ki tha,

LEVI 5:15

Khürünü müreanglimnü amüsüh kukruk Atungpuh kilim müjihde lakpheansho, apinü ashaklo kingaün Atungpuh kilim lapha mükihkhi namfimihnu yungsho mihnupung handarübah. Tüsho ju arüngyam ching lakhi düpüt 11.5nü adünang; tüsho ha amülim thsükhi kingaün ah.

LEVI 5:7

Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah.

LEVI 5:8

Apinü jurübo amükeambuh kilim handarübah, tüsho akhuhde neak kingaün thsungkheak wuhnu jihbah. Apinü aku muthokhitde ahung rhoshakbah

LEVI 6:17

Hoju phaüm yukbah munung. Ha Atungpuhnü arü kilim taka kingaünpü shihcham jihkheah; ju neak kingaün tüsho ashaklo kingaün ruk khide amüsüh lah.

LEVI 6:25

Ha neak kingaün yakzan ah de Aron tüsho atsührübo ki thaang: Kükheaknü taka kingaünpü laksahkheanü ju kheaknü neak kingaünbe Atungpuh mikinü alaksahbah, hoju khide amüsüh kingaün ah.

WÜHKHE 6:12

Tüsho api Nazirit thsükhi kim Atungpuh kilim müsühkhitlobah, tüsho ashaklo kingaün kam khülang bankhi namfimihnunu pung handarübah tüshe akhuhlim kim ju a mükhe, tümütüsho api kuyü müsühkhitkhi müneanabahdo.