LEVI 6:25 - AMÜSÜH HÜM CL Bible (BSI)

²⁵ Ha neak kingaün yakzan ah de Aron tüsho atsührübo ki thaang: Kükheaknü taka kingaünpü laksahkheanü ju kheaknü neak kingaünbe Atungpuh mikinü alaksahbah, hoju khide amüsüh kingaün ah.

LEVI 6:25 Iomraidhean Croise

EZEKIEL 42:13

Judüki apinü I ki tha, “Dukulim tüsho düjinglim arüngyam mikhuh lakhi khiungshakbo ju amükeamrübonü Atungpuh ki yübah khide amüsüh kingaünkhi tsühpü lakhi amüsüh khiungshakbo ah; ju ching arünü khide amüsüh kingaünbo zobah–hi kingaün, neak kingaün, tüsho amülim kingaün, tümüde dangpung ju amüsüh ah.

LEVI 1:11

Apinü ju kingaünpung akulimpeangnü alaksahbah, tüsho Aron tsührü amükeamrübonü kingaünpung khuh phüyi ching athiyih rhakkihbah.

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 1:5

Atungpuh miki apinü shiwüh pung ju alaksahbah, tüsho Aron tsührü amükeamrübonü thiyih lubah ayübah, tüsho kingaün sadam khuh phüyi tüsho khimyam lunglim yüzah limrobo kheak rhakkihbah.

LEVI 21:22

Apinü api Thrünpuh tsühyungpü khide amüsüh tüsho amüsüh ane chido tsühpü kuklah,

LEVI 4:24

Apinü akhah aku kheak nimbah tüsho taka kingaünbe laksahpung, Atungpuh mikinü alaksahbah. Ha neak kingaün ah.

LEVI 4:29

Apinü akhah aku kheak nimbah tüsho taka kingaünbe laksahpung kinü alaksahbah.

LEVI 6:17

Hoju phaüm yukbah munung. Ha Atungpuhnü arü kilim taka kingaünpü shihcham jihkheah; ju neak kingaün tüsho ashaklo kingaün ruk khide amüsüh lah.

LEVI 6:24

Atungpuhnü Mosa ki tha,

LEVI 6:29

Amükeamrü yamkhün ching athrürü abannü ha kingaünkhi tsühpü kuklah; ha khide amüsüh.

LEVI 7:7

Neak kingaün tüsho ashaklo kingaün ane chido thsungkheaknü yakzan khülang rukhüh lah: shih ju dünthsükhia bahjihbuh amükeambuh yo thsübah.