LEVI 5:6 - AMÜSÜH HÜM CL Bible (BSI)

⁶ tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

LEVI 5:6 Iomraidhean Croise

EZEKIEL 40:39

Tüsho chipiripit mükü ching thrip abande dükhüm mahnene lakheah, ju taka kingaün, neak kingaün tüsho laksah-a kingaünpü laksahpung lakheah.

EZEKIEL 42:13

Judüki apinü I ki tha, “Dukulim tüsho düjinglim arüngyam mikhuh lakhi khiungshakbo ju amükeamrübonü Atungpuh ki yübah khide amüsüh kingaünkhi tsühpü lakhi amüsüh khiungshakbo ah; ju ching arünü khide amüsüh kingaünbo zobah–hi kingaün, neak kingaün, tüsho amülim kingaün, tümüde dangpung ju amüsüh ah.

EZEKIEL 44:27

Alungbe khikzhakpung ching, amüsüh dangpung ching tankihpü api yüzahkhi nimung, apinü nihbuh neak kingaün jihbah, Atungpuh Thrünpuhnü thachoh.

LEVI 4:20

Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah.

LEVI 4:28

tüsho anihbuh neak apinü mükheahkhitsho, apinü nihbuh kingaün lapha mükihkhi mihnu dre handarübah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 4:32

Neak kingaün thsungkheaknü apinü namfimihnu handarüsho lapha mükihkhi dre thsübeah,

LEVI 4:35

Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.

LEVI 6:6

Apinü amükeambuh kilim ashaklo kingaün thsüde namfimihnu yungsho mihnupung lapha mükihkhi amülimkhi kingaün dün mode handarübah.

WÜHKHE 6:12

Tüsho api Nazirit thsükhi kim Atungpuh kilim müsühkhitlobah, tüsho ashaklo kingaün kam khülang bankhi namfimihnunu pung handarübah tüshe akhuhlim kim ju a mükhe, tümütüsho api kuyü müsühkhitkhi müneanabahdo.