LEVI 5:13 - AMÜSÜH HÜM CL Bible (BSI)

¹³ Hanangde amükeambuhnü mihtsürünü ayihbeakkhi neak dünthsükhibah, tüsho api neak bahjihbah. Ha kingaünkhi ching akhualokhi nangde aningkhi ayikangkang ju amükeambuh yo thsübah.

LEVI 5:13 Iomraidhean Croise

HOSEA 4:8

I mihtsürübo neak chingnü arü tsühyungde lah; jumonü nüsanü alü alü arünü neak yihbeakshihnelah.

LEVI 2:10

Aningkhi ayikangkang ju amükeamrübo yo thsübah; ha Atungpuh kilim taka kingaünkhi chingnü khide amüsüh ah.

LEVI 2:3

Aningkhi ayikangkang ju amükeamrübo yo thsübah; ju Atungpuh kilim monü taka kingaünkhi chingnü alukhi khide amüsüh ah.

LEVI 4:20

Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah.

LEVI 4:26

Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 5:10

Tüsho thiyuzüng yande mahnepü wuhnu ju apinü taka kingaünbah. Hanangde amükeambuhnü mihtsürü neak dünthsükhibah, tüsho api neak bahjihbah.

LEVI 5:12

Apinü ju amükeambuh kilim handarübah, tüsho amükeambuhnü Atungpuh kilim jihkhi amütsan müyikhüh kama lubah, tüsho apinü ju tsühyungpü kingaün thsüde kingaünpung kheak takbah; ha neak kingaün ah.

LEVI 5:14

Tüsho Atungpuhnü Mosa ki tha,

LEVI 5:16

Apinü amüsüh kukruk müjihkhi dün she shihcham muku yuklobah ajihbeah. Apinü amükeambuh kilim ju jihbah, tüsho amükeambuhnü api neak dünkheak mihnupungnü dünthsükhibah, tüsho api neak bahjihbah.

LEVI 5:4

Mihtsürü khülangnü mükümkangde amütsü yungsho atsü rhimo thiyuchihchimsho, mihtsürünü thade thiyuchihchimbe küdürü thsüthsü she, tüsho apinü müyima zobah küyimki mükheahkhitbanü api jurü dünkheak amülim thsübah.

LEVI 5:5

Küyimki mihtsürü khülang ju amülim kambanü apinü ayihbeakkhi neak alokhibah,

LEVI 5:6

tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

LEVI 7:6

Amükeamrü yamkhün ching athrürübonü ju tsühpü kuklah tüshe amüsüh dangpung chingnü atsühbeah, tümüde ha khide amüsüh.

1 KORINT 9:13

Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de?

1 SAMUEL 2:28

Api I yo amükeamrü thsüpü kingaün sadam kheak wutupü, rhümthüneabe jihpü tüsho I miki khim zhingzhing phuyupü inü api Israel trükbo alala chingnü mokhit; tüsho Israel mihtsürübonü I ki taka kingaünkhi alala inü nü pü yamkhün kilim jih.