LEVI 5:10 - AMÜSÜH HÜM CL Bible (BSI)

¹⁰ Tüsho thiyuzüng yande mahnepü wuhnu ju apinü taka kingaünbah. Hanangde amükeambuhnü mihtsürü neak dünthsükhibah, tüsho api neak bahjihbah.

LEVI 5:10 Iomraidhean Croise

LEVI 4:20

Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah.

LEVI 4:26

Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 4:35

Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.

LEVI 5:13

Hanangde amükeambuhnü mihtsürünü ayihbeakkhi neak dünthsükhibah, tüsho api neak bahjihbah. Ha kingaünkhi ching akhualokhi nangde aningkhi ayikangkang ju amükeambuh yo thsübah.

LEVI 5:16

Apinü amüsüh kukruk müjihkhi dün she shihcham muku yuklobah ajihbeah. Apinü amükeambuh kilim ju jihbah, tüsho amükeambuhnü api neak dünkheak mihnupungnü dünthsükhibah, tüsho api neak bahjihbah.

LEVI 5:6

tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

JAKOB 5:15

akin tamkhüntamnükhinü tukthsübuh ju athsüngubah, tüsho Atungpuhnü api asürüshihbah; tüsho anihbuhnü neak yihbeaka lasho apinü abahjihbah.

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.