LEVI 4:7 - AMÜSÜH HÜM CL Bible (BSI)

⁷ Amükeambuhnü thiyih khürü lubah Atungpuh shorupung khimyam ching arhümthüneakhi kingaünpung juhbo kheak bukkihbah, tüsho aningkhi thiyih ju khimyam ripit ki lakhi taka kingaünpung jing kheak dungkihbah.

LEVI 4:7 Iomraidhean Croise

MUNGSHIKHÜN 118:27

Thrünpuh ju Atungpuh ah, tüsho apinü isa kilim ayin jih; laksah-a kingaünkhibo ju liubonü kingaün sadam juhbo kheak rhükkihang.

ABEKHIT 29:12

Moshipung thiyih khürü nü yingkhing kheaknü lubah kingaün sadam juhbo kheak yihkihang, tüsho thiyih alala kingaün sadam jing kheak dunga bahang.

LEVI 1:5

Atungpuh miki apinü shiwüh pung ju alaksahbah, tüsho Aron tsührü amükeamrübonü thiyih lubah ayübah, tüsho kingaün sadam khuh phüyi tüsho khimyam lunglim yüzah limrobo kheak rhakkihbah.

LEVI 16:18

Tüsho apinü Atungpuh miki lakhi kingaün sadam ki wukhiukbah ju thsungkheak dünthsükhibah, tüsho moshi le mihnu thiyih khürü lubah kingaün sadam juhbo kheak yihkihbah.

LEVI 4:18

Tüsho apinü thiyih khürü khimyam alunglim Atungpuh miki kingaünpung juhbo kheak yihkihbah, tüsho aningkhi thiyih khimyam ripit ki taka kingaünpung jing kheak apinü adungkihbah.

LEVI 4:25

Tüsho amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

LEVI 4:30

Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

LEVI 4:34

Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

LEVI 5:9

tüsho athiyih khürü kingaünpung yeande rhaka bahbah. Aningkhi thiyih kingaün sadam kheak dunga bahbah; ha neak kingaün ah.

LEVI 6:30

Tüshe neak kingaünkhi yo thiyih amüsüh dangpung dünthsükhipü ashorupung khimyam ching handarüsho, ju shih mütsüh; hoju takabahbah.

LEVI 8:15

Mosanü ju laksahbahle athiyih khürü lu tüsho müsühkhitde ayingkhing kheaknü kingaünpung juhbo kheak yihkih. Tüsho apinü aningkhi thiyih ju kingaünpung jing kheak bukkih. Hanangde apinü dünthsükhide müsühkhit.

LEVI 9:9

Api tsührübonü thiyih api kilim handarü, tüsho api yingkhing ju ching thsambahle kingaünpung juhbo kheak rhakkih, tüsho aningkhi thiyih ju kingaünpung jing kheak hiua bah;

EFISIA 2:13

Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo.

IBRI 9:15

Jumonü api ju aso tangzüng limburü ah, junangde sherü jia lanü alokhikhi lün yamrüplurüp leangkhibah, tümütüsho akhuhbe tangzüng bukkhüp thsümünimkhi chingnü arü rhokhitpü ashekhi dünji.

IBRI 9:21

Tüsho ju ruk apinü arüngkhimyam le kingaün ching ahoribe kukrukbo alala kheak thiyih rhakkih.

AMIKHEAKAKHIUKKHI 6:9

Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü;