LEVI 4:6 - AMÜSÜH HÜM CL Bible (BSI)

⁶ tüsho amükeambuhnü thiyih ching ju ayingkhing thsambah amüsüh khim zhinkhi miki thüne ki rhakbah.

LEVI 4:6 Iomraidhean Croise

ABEKHIT 40:21

Jushu apinü sangdan ju arüngkhimyam ching yuka zo tüsho zhindokhim zhin. Hanangde Atungpuhnü thiyukhüm jihkhi nangde apinü tangzüng sangdan ju zhindo.

ABEKHIT 40:26

Apinü ashorupung khimyam ching zhindokhim miki suna kingaün sadam zo;

LEVI 14:16

ju ching tsülim yingkhing athsoyuka pangbahle müdangke khürü Atungpuh miki thüne ki rhakbah.

LEVI 14:18

Apinü aningkhi müdangke amüyi ching yo lubahle müsühkhitpü lakhi mihtsürü ku kheak yihkihbah, hanangde apinü Atungpuh miki dünthsükhia bahjihbah.

LEVI 14:27

tüsho tsülim yingkhingnü müdangke khürü Atungpuh miki thüne ki rhakbah.

LEVI 14:7

Apinü apham tukthsü chingnü amüsühkhitbuh mihtsürü kheak thiyih thüne ki rhakkihbah, jushu api müsühlah de athabah, tüsho rhangdung lakhi wuhnu ju kimtsüh ching phinde atsoshihbah.

LEVI 16:14

Apinü moshipung thiyih anükhüh lubah tüsho akhidopü tsülimpeang ayingkhingnü arhakkihbah; tüsho apinü tangzüng sangdan mikhuh ki thüne ki rhaka bahbah.

LEVI 16:19

Ayingkhing kheaknü athiyih khürü kingaünpung kheak thüne ki rhakkihbah. Hanangde apinü Israel mihtsürübo neak chingnü throde müsühkhitbah.

LEVI 25:8

Nüsanü amuni kambo kheang, thünenü thüne kam; tüsho amuni thüne thsükhi kambo ju kam yirükheak tuku labah.

LEVI 26:18

Harübo dünjishu she nüsanü I yu manisho, kheaküshe nüsa neak dünkheak inü thüne ki thsümüchibah.

LEVI 26:24

inü she nüsa kheak azhihbah, tüsho nüsa neakbo dünkheak inü thüne ki thsümüchibah.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

LEVI 4:17

ju ching ayingkhing thsambah, tüsho amüsüh khim zhinkhi miki thüne ki rhakbah.

LEVI 4:25

Tüsho amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

LEVI 4:30

Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

LEVI 4:34

Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah.

LEVI 8:11

Atungpuh kilim müsühkhitpü thsungkheaknü apinü müdangke khürü lubah kingaünpung kheak thüne ki rhakkih, tüsho kingaünpung, pungphuru, müsühmüraphuru tüsho kingaün sadam jing kheak mujukih.

LEVI 8:15

Mosanü ju laksahbahle athiyih khürü lu tüsho müsühkhitde ayingkhing kheaknü kingaünpung juhbo kheak yihkih. Tüsho apinü aningkhi thiyih ju kingaünpung jing kheak bukkih. Hanangde apinü dünthsükhide müsühkhit.

LEVI 9:9

Api tsührübonü thiyih api kilim handarü, tüsho api yingkhing ju ching thsambahle kingaünpung juhbo kheak rhakkih, tüsho aningkhi thiyih ju kingaünpung jing kheak hiua bah;

WÜHKHE 19:4

amükeambuh Eleazarnü athiyih khürü ayingkhing kheaknü alubah, tüsho arüngyam müngüh thüne ki khuhlangde arheakbah.

JIHUSUA 6:4

Amükeamrü thünenü namfimihnupung juhnü athsükhi hulipungpung shuhbah tangzüng sangdan müngüh yüshang. Nimung athüne nipü amükeamrübonü hulipungpung mütde, nüsanü kiuto thüne ki mükamde tsahang.

JIHUSUA 6:8

Jihusuanü mihtsürübo ki thiyukhüm jihkhi yande, amükeamrü thünenü hulipungpung khungde arü dunglim Atungpuh tangzüng sangdan yanshihde Atungpuh müngüh yü.