LEVI 4:4 - AMÜSÜH HÜM CL Bible (BSI)

⁴ Apinü moshipung ju Atungpuh shorupung khimyam ripit ki bedarübah, akhahnü aku kheak nimbah, tüsho ju ching Atungpuh mikinü alaksahbah.

LEVI 4:4 Iomraidhean Croise

2 KIUTHSÜYUKHEAN 29:23

Jushu neak kingaünbe mihnu pungbo ju kiulongthsüpuh tüsho amukhungrü ki ludarü; arünü arü khahbo jurü kheak nimkih,

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

LEVI 16:21

Apinü akhah ane chido mihnu ku kheak nimde Israel tsührünü ayihbeakkhi amülim alala, azhihde thiyuzüng thsümünimkhi alala, tüsho arü neak thsükhibah, tüsho akhukhita lubuhnü mihnu bebah yünü sunglo ching dükhebah.

LEVI 4:15

tüsho boto ching azothsürübonü aku kheak arü khahnü animbah, tüsho ju ching laksahbah.

LEVI 4:29

Apinü akhah aku kheak nimbah tüsho taka kingaünbe laksahpung kinü alaksahbah.

LEVI 8:14

Neak kingaünpü Mosanü moshipung handarü, tüsho Aron le atsührübonü arü khah aku kheak nimkih.

WÜHKHE 8:12

Levirübonü arü khah moshipung mahne ku kheak nimbah; khülang neak kingaün jihbah tüsho püpü ju taka kingaünbah, junü Levirü müsühkhitkhi rhimobah.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;