LEVI 4:3 - AMÜSÜH HÜM CL Bible (BSI)

³ Mujude-müsühkhitkhi amükeambuhnü neak yihbeakde mihtsürübo kurungkheak amakham arüsho, apinü moshipung nunu lapha mükihkhi api neak dün Atungpuh kilim kingaünbah.

LEVI 4:3 Iomraidhean Croise

2 KIUTHSÜYUKHEAN 29:21

Arünü moshi 7, namfimihnupung 7, namfimihnunu 7, tüsho mihnu pung 7 ju kiulongthsü, arüngakopung tüsho Juda thsungkheak neak kingaünpü hande arü. Apinü jurübo Atungpuh kingaün sadam kheak jihshihpü Aron tsühsoniusobo amükeamrübo ki thiyukhüm jih.

EZRA 8:35

Ramtso chingnü alungrü alalanü Israel Thrünpuh kilim taka kingaünpü shihchambo hanbah arü. Arünü Israelrü alala thsungkheak moshi 12 jih, namfimihnupung 96, namfimihnunu 77; tüsho arü münean chingnü atsangkhitshihpü mihnupung 12 jih. Shiwüh harü alala Atungpuh ki taka kingaün.

ABEKHIT 29:14

Tüshe moshipung shihtsü, aküp, tüsho arhubo alala binpung aleanglimnü takang. Ha neak kingaün labah.

ABEKHIT 29:21

Tüsho kingaün sadam kheaknü athiyih khürü tüsho amujube müdangke luang tüsho Aron le atsührübo khimmihbo kheak rhakkihang. Jushu api le atsührübo tüsho arü khimmihbo müsühkhitbah.

ABEKHIT 29:7

Amujube müdangke luang tüsho aku kheak yihkihde mujude-müsühkhitang.

ABEKHIT 30:10

Aronnü ha juhbo kheak kam ching khülang ki dünthsükhiang. Ha kam ching khülang ki dünthsükhipü ju lünbo thsungkheak neak kingaün thiyih lungnü jihang. Ha Atungpuh kilim khide amüsüh lah.”

EZEKIEL 40:39

Tüsho chipiripit mükü ching thrip abande dükhüm mahnene lakheah, ju taka kingaün, neak kingaün tüsho laksah-a kingaünpü laksahpung lakheah.

EZEKIEL 43:19

Zadok yamkhün Levirü amükeamrübo I tankihpü I phünide arürü kilim neak kingaünpü thsungkheak moshipung khülang nünü jihang, Atungpuh Thrünpuhnü thachoh.

EZEKIEL 44:27

Alungbe khikzhakpung ching, amüsüh dangpung ching tankihpü api yüzahkhi nimung, apinü nihbuh neak kingaün jihbah, Atungpuh Thrünpuhnü thachoh.

LEVI 1:10

Mürangkhüh mihtsürü khülangnü namfimihnubo yungsho mihnubo lungnü taka kingaünkhi jihsho, ju lapha mükihkhi pung thsübeah:

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 16:11

Küyimki Aronnü api tüsho ayamkhün thsungkheak moshipung arü neak dünthsükhipü laksah-a neak kingaün jihbanü,

LEVI 16:3

Hanangde Aronnü amüsüh dangpung ching arübah: neak kingaünpü thsungkheak moshi nunu tüsho taka kingaünpü thsungkheak mihnupung lubah.”

LEVI 16:5

Israel trüknü Aron kilim mihnupung mahne neak kingaünpü tüsho namfimihnupung khülang taka kingaünpü jihbah.

LEVI 16:6

Apinü anihbuh tüsho yamkhün neak dünthsükhipü moshipung khülang jihbah.

LEVI 4:14

neak ramkhit yanalünde, Israel trük athrünkhinü moshipung nunu neak kingaün thsungkheak jihang. Arünü ju Atungpuh shorupung khimyam ching handarübah;

LEVI 4:23

tüsho anihbuh neak apinü mükheahkhitsho, apinü nihbuh kingaün lapha mükihkhi mihnupung handarübah.

LEVI 4:28

tüsho anihbuh neak apinü mükheahkhitsho, apinü nihbuh kingaün lapha mükihkhi mihnu dre handarübah.

LEVI 4:5

Mujude-müsühkhitkhi amükeambuhnü moshipung thiyih khürü lubah Atungpuh shorupung khimyam lim arübah;

LEVI 5:6

tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

LEVI 6:18

Atungpuh kilim taka kingaünkhi ching yo lünnü Atungpuh miki lün lün ching tangzüng thsüde Aron tsührübo athrürü abannü atsühpü kuklah; sherübonü ju qiubanü arü amüsüh kambah.

LEVI 8:12

Apinü Aron ku kheak müdangke dungkihjihde api mujude-müsühkhit.

LEVI 9:2

tüsho apinü Aron ki tha, “ Neak kingaün thsungkheak moshipung nunu tüsho taka kingaünpü mihnupung lapha mükihkhibo luang, tüsho Atungpuh miki kingaünang.

LEVI 9:3

Tüsho Israel mihtsürübo ki thaang, ‘ Nüsanü neak kingaünpü mihnupung khülang, tüsho taka kingaünpü kam khülang bankhitkhi moshi nunu tüsho mihnupung lapha mükihkhi luang,

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 8:8

Tüsho arübonü moshipung nunu le hi kingaün lushang, ju ching ayikangkang tüsho oliv müdangke yukshang, tüsho nünü neak kingaünpü moshipung nunu püpü luang.

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

IBRI 5:3

Jumonü apinü anihbuh neakbo le mihtsürübo neak dünkheak shuhmülanga jihpü kamchoh.

IBRI 9:12

Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah.