LEVI 4:26 - AMÜSÜH HÜM CL Bible (BSI)

²⁶ Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.

LEVI 4:26 Iomraidhean Croise

2 KIUTHSÜYUKHEAN 29:24

tüsho amükeamrübonü jurübo laksah tüsho athiyih bede Israel alala thsungkheak dünthsükhipü kingaün sadam kheak neak kingaün jih. Tümüde taka kingaünkhi le neak kingaünkhi ju Israel alala thsungkheak jihbeah de kiulongthsüpuhnü thiyukhüm jih.

EZEKIEL 43:22

Mahnepü nimung nünü neak kingaün thsungkheak lapha mükihkhi mihnu pung 1 jihang; tüsho moshipungnü müsühkhitkhi nangde, kingaün sadam müsühkhitbah.

LEVI 1:4

Apinü taka kingaünkhi ku kheak akhah nimbah, tüsho api neak thsükhiabahkhi kingaün dün leangkhibah.

LEVI 12:8

Alibenü namfimihnunu müjihkhuksho, anihbenü müthrithrümpü mahne yungsho chithüreku mahne handarübeah, khülang ju taka kingaünpü tüsho püpü ju neak kingaün thsungkheak, tüsho amükeambuhnü anihbe münean dünthsükhipü ju kingaün jihbah, tüsho alibe müsühkhitbah.

LEVI 14:18

Apinü aningkhi müdangke amüyi ching yo lubahle müsühkhitpü lakhi mihtsürü ku kheak yihkihbah, hanangde apinü Atungpuh miki dünthsükhia bahjihbah.

LEVI 15:15

Amükeambuhnü khülang neak kingaün jihbah tüsho püpü ju taka kingaünbah. Hanangde apinü amüyeanbuh müsühkhitpü Atungpuh miki dünthsükhibah.

LEVI 17:11

Tümüde shih ju thiyih ching lah; tüsho kingaün sadam kheak nüsa rhangdung dünthsükhipü inü nüsa kilim jihdo; tümüde thiyihnü nüsa rhangdung thsungkheak dünthsükhichoh.

LEVI 19:22

Tüsho amükeambuhnü amülim kingaünkhi mihnupung ju lua apinü ayihbeakkhi neak dünthsükhipü Atungpuh kilim jihbah; tüsho api neak bahjihbah.

LEVI 3:5

Amükeamrübonü harü alala taka kingaünkhibo lung kingaünpung kheak yihkih-a takbah. Ha taka kingaünkhi rhümnü Atungpuh asühshihchoh.

LEVI 4:19

Tüsho apinü amüdangbo lubahle kingaünpung kheaknü atakbah.

LEVI 4:20

Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 4:35

Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.

LEVI 5:10

Tüsho thiyuzüng yande mahnepü wuhnu ju apinü taka kingaünbah. Hanangde amükeambuhnü mihtsürü neak dünthsükhibah, tüsho api neak bahjihbah.

LEVI 5:13

Hanangde amükeambuhnü mihtsürünü ayihbeakkhi neak dünthsükhibah, tüsho api neak bahjihbah. Ha kingaünkhi ching akhualokhi nangde aningkhi ayikangkang ju amükeambuh yo thsübah.

LEVI 5:16

Apinü amüsüh kukruk müjihkhi dün she shihcham muku yuklobah ajihbeah. Apinü amükeambuh kilim ju jihbah, tüsho amükeambuhnü api neak dünkheak mihnupungnü dünthsükhibah, tüsho api neak bahjihbah.

LEVI 5:18

Apinü ashaklo kingaün lapha mükihkhi namfimihnu yungsho mihnu pung Atungpuh kilim handarübeah. Ju ashaklo kingaünkhi dün akebah ajihbah, tüsho apinü müreanglimnü ayihbeakkhi neak amükeambuhnü dünthsükhibah, tüsho api neak bahjihbah.

LEVI 6:7

Amükeambuhnü mihtsürü neak dünthsükhibah tüsho apinü alakmihkhi neak bahjihbah.

WÜHKHE 15:25

Jumonü amükeambuhnü Israelrü tsührü boto dünthsükhide neak bahjihbah tümüde ju müreanglimnü yihbeak; arübonü taka kingaünkhi tüsho müreanglimnü ayihbeakkhi neak kingaün Atungpuh miki handarübah.

WÜHKHE 15:28

Jumonü küyimki mihtsürü khülangnü Atungpuh miki müreanglimnü neak yihbeakbanü api müsühkhitde amükeambuhnü dünthsükhibah; tüsho api neak bahjihbah.