LEVI 3:5 - AMÜSÜH HÜM CL Bible (BSI)

⁵ Amükeamrübonü harü alala taka kingaünkhibo lung kingaünpung kheak yihkih-a takbah. Ha taka kingaünkhi rhümnü Atungpuh asühshihchoh.

LEVI 3:5 Iomraidhean Croise

1 KIULONG THSÜRÜ 8:64

Ju nimungnü Atungpuh yam müngüh lakhi aphulungbe khiungshak kiulongthsüpuhnü müsükhit; tümüde ju ching apinü taka kingaünkhi, hi kingaün tüsho mungtsü kingaünkhi müdang jih, tümütüsho Atungpuh miki lakhi müwayinchi kingaün sadam ju taka kingaünkhi, hi kingaün tüsho mungtsü kingaünkhi müdang jihkhibo leangkhipü thsüde khide ninide alakheah.

2 KIUTHSÜYUKHEAN 35:14

Ju dunglim arünü arü le amükeamrübo thsungkheak thsakham, tümütüsho Aron tsühsoniuso amükeamrübo ju taka kingaün tüsho amüdang shihchambo jihpü azhing khiungde mükühbah alakheah; jumonü Levirünü arü le Aron tsühsoniuso amükeamrübo thsungkheak tsanglunga lakheah.

ABEKHIT 29:13

Alunglim bukning muhiukhi müdang alala, amüsan atsübe, tüsho amügüe mahne amüdang bede luang tüsho I kilim kingaünde kingaün sadam kheak takang.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

LEVI 1:13

tüshe apinü bukning le jingkhahbo kenü amüsühbah, tüsho amükeambuhnü alala lua kingaünpung kheak Atungpuh ki taka kingaün jihbah. Ha taka kingaünkhi rhümnü Atungpuh asühshihchoh.

LEVI 1:17

Apinü muthokhitshihde aghidükeangne kheak tholobah apang ju athorüpbah, tüsho alala kingaünpung sang kheak takbah. Ha taka kingaünkhi rhümnü Atungpuh asühshihchoh.

LEVI 1:9

tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

LEVI 3:11

Tüsho amükeambuhnü Atungpuh kilim jihkhi tsühyungpü kingaün ah de kingaünpung kheak takbah.

LEVI 3:4

amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 4:35

Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.

LEVI 6:12

Kingaünpung kheak mo takkhi ju mümütshihdü lang azobah. Yapsu aban amükeambuhnü sang tsanglunga yukde ju kheak taka kingaünpü thsübah, tüsho mungtsü kingaün thsungkheak amüdang ju kheak takbah.

LEVI 7:28

Atungpuhnü Mosa ki tha,

LEVI 9:17

Judüki apinü müyikhüh lubah hi kingaün handarü, tüsho yapsu shuhmülanga takkhi lung kingaün sadam kheak tak.

WÜHKHE 15:8

Tüsho nünü taka kingaünpü yungsho thiyuchihchimkhi dünkheak shuhmülanga kingaünkhi yungsho Atungpuh kilim mungtsü kingaünpü moshipung nunu lusho,

WÜHKHE 18:17

Tüshe akhuhde anukhi moshibo, namfimihnu tüsho mihnubo a mürhokhitlokhuk; harübo amüsüh ah. Nünü harü thiyih kingaün sadam kheak rhakkihang, tüsho amüdangkebo ju monü taka kingaünde Atungpuh kilim arhümthüneashang.

WÜHKHE 28:12

moshipung abande hi kingaün nangde ajihpü ayikangkang khahngak 3 ching oliv müdangke yukkhi; mihnupung 1 thsungkheak khahngak 2;

WÜHKHE 28:3

Tüsho nünü arü ki thaang, Ha nüsanü Atungpuh kilim taka kingaünbeah: lapha mükihkhi namfimihnunu pung 2 kam khülang bankhi mutukzhakde taka kingaünang.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.