LEVI 3:2 - AMÜSÜH HÜM CL Bible (BSI)

² Apinü kingaün jihkhi shiwüh ku kheak akhahnü animbah tüsho Atungpuh shorupung khimyam ripit kinü alaksahbah. Aron tsührü amükeamrübonü kingaünpung thrip phüyi ching thiyih hiua bahbah,

LEVI 3:2 Iomraidhean Croise

ABEKHIT 29:10

“ Moshipung ju ashorupung khimyam mikhuh lude arang, tüsho Aron le atsührübonü arü khah aku kheak nimbah.

ABEKHIT 29:11

Ashorupung khimyam ching yüzahpung kheak Atungpuh mikinü ju laksahang.

ABEKHIT 29:15

“Nünü namfimihnupung 1 luang, tüsho Aron le atsührübo khah aku kheak nimkihbah.

ABEKHIT 29:16

Ju laksahang tüsho athiyih lubah kingaün sadam alala mükamde rhakkihang.

ABEKHIT 29:19

“Namfimihnupung püpü luang, tüsho Aron le atsührübonü arü khah aku kheak nimkihbah.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

LEVI 1:11

Apinü ju kingaünpung akulimpeangnü alaksahbah, tüsho Aron tsührü amükeamrübonü kingaünpung khuh phüyi ching athiyih rhakkihbah.

LEVI 17:3

Israelrü bolung ching mihtsürü khürünü moshipung yungsho namfimihnunu yungsho mihnu binkheampung ching yungsho aleanglimnü laksahbah,

LEVI 17:4

ju ashorupung khimyam ripit ki Atungpuh kilim thsambah thsüde handarünü müjihsho thiyih ju buh mihtsürü kheak labah; apinü thiyih bukdo; tüsho mihtsürü ju Thrünpuh mihtsürü bolungnü khekhita bahbah.

LEVI 3:3

tüsho mungtsü kingaün chingnü Atungpuh kilim harü taka kingaün jihbah: bukning muhiukhi amüdang tüsho bukning ching lakhi müdangmurubo,

LEVI 3:8

tüsho apinü akhah aku kheak nimbahle Atungpuh shorupung khimyam müngühnü alaksahbah; Aron tsührü amükeamrübonü kingaün thrip phüyi ching athiyih rhakkihbah.

LEVI 8:22

Jushu, Mosanü amükeamrübo müsühkhitpü mihnupung mahnepü handarü, tüsho Aron le atsührübonü arü khah aku kheak nimkih.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

WÜHKHE 18:17

Tüshe akhuhde anukhi moshibo, namfimihnu tüsho mihnubo a mürhokhitlokhuk; harübo amüsüh ah. Nünü harü thiyih kingaün sadam kheak rhakkihang, tüsho amüdangkebo ju monü taka kingaünde Atungpuh kilim arhümthüneashang.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.