LEVI 3:17 - AMÜSÜH HÜM CL Bible (BSI)

¹⁷ Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.

LEVI 3:17 Iomraidhean Croise

THRÜNTAN 9:4

Tüshe nüsanü rhangdung-thiyih bede shih mütsühbeah.

2 KIUTHSÜYUKHEAN 29:35

Taka kingaünkhi ahihdo kheak khiode mungtsü kingaünpü amüdang lakheah, tüsho taka kingaünpü ayungbe kingaünbo lakheah. Hanangde Atungpuh yam tankihpü lalokheah.

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

ABEKHIT 28:43

Aron le api tsührübonü arü ashorupung khimyam ching yüzahchoki yungsho amüsüh dangpung ching tankihpü kingaün sadam ki yüchoki jurü yihbah, junangde arünü amülim müthsü tüsho müshe. Ha lünnü Aron tüsho api tsühsoniuso thsungkheak thiyuzüng labah.

EZEKIEL 33:25

Jumonü arü ki thaang, Atungpuh Thrünpuhnü ha thachoh: Nüsanü thiyih bede shih tsühchoh, tüsho sangthsübo ki nüsa mükbo züngkihchoh, tüsho thiyih bukchoh; dale nüsanü alo ju amükühba de?

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

LEVI 10:15

Arung kingaünkhi apho tüsho müleamde kingaünkhi akhüh ju, Atungpuh miki müleamde kingaünpü thsüde taka kingaünkhi amüdang lung handarübah, tüsho Atungpuhnü thiyukhüm jihkhi nangde, ha nü tüsho nü tsührübonü lünnü rhimode ayüpü yakzan labah.”

LEVI 10:9

“ Nü tüsho nü tsührübonü yukhu yungsho püpü amüshangbe yungbah I shorupung khimyam ching düyüzah; jude thsüsho, nüsa ashebah. Ha nüsa lün alala ching yakzan khülang labah.

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:34

Ha kam ching khülang ki Israel neak dünthsükhipü nüsa thsungkheaknü kamruhroro yakzan thsükhi lah. Tüsho Atungpuhnü api ki thiyukhüm jihkhi nangde Mosanü rhimo.

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

LEVI 19:26

Shih tümü she athiyih zahde dütsüh. Nüsanü müchitmudu yungsho thümüthiyi dahori.

LEVI 23:14

Nüsanü ju nimungnü nüsa Thrünpuh kilim kingaün handarü müjihyi khiungde yikhap thsüthsü, angukhi hi thsüthsü yungsho aso hi thsüthsü nüsanü mütsüh; ha nüsa tsühsoniuso lün ching lapung abande thiyukhüm labah.

LEVI 23:21

Tüsho ju ninü nüsanü zhiyukjang; nüsanü amüsüh amukhung khülang labah; nüsanü rhimo achak tümü she mürhimo: ha nüsa lapung abande kamruhroro nüsa lün amuyung yakzan labah.

LEVI 24:3

Ashorupung khimyam ching tangzüng khim zhinkhi aleanglim, Aronnü tsünpungbo ju takkih-a zoanude arenü yapsu khiungde akümbah. Ha tsühsoniuso lün thsungkheaknü yakzan thsükhi labah.

LEVI 24:9

Ha yikhap ju Aron le atsührübo yo thsübah, arünü ju amüsüh dangpung chingnü atsühbah, tümütüsho, ha Atungpuh kilim taka kingaünkhi chingnü arü lün yo khide amüsüh shihcham ah.

LEVI 3:16

Tüsho amükeambuhnü Atungpuh kilim tsühyungpü kingaün ah de kingaünpung kheak takde arhümthüneakhinü Atungpuh asühshihbah; amüdang alala ju Atungpuh yo.

LEVI 4:1

Atungpuhnü Mosa ki tha,

LEVI 6:15

Arünü ayikangkang müyikhüh, müdangke, tüsho ju kheak lakhi rhümthüneabe lubah mümihpü thsüde Atungpuh kilim kingaünpung kheak takbah. Ha kingaünkhi rhümnü Atungpuh asühshihchoh.

LEVI 6:18

Atungpuh kilim taka kingaünkhi ching yo lünnü Atungpuh miki lün lün ching tangzüng thsüde Aron tsührübo athrürü abannü atsühpü kuklah; sherübonü ju qiubanü arü amüsüh kambah.

LEVI 6:22

Api tsührü bolung anihbuh müthri amükeambuh thsüpü mujude-müsühkhitkhinü ha jihbah. Ha Atungpuh kilim lünnü yakzan labah. Ha abümnü atakbah.

LEVI 7:23

“Israelrü tsührübo ki thaang: Nüsanü moshipung, namfimihnu tüsho mihnubo müdang mütsüh.

LEVI 7:34

Tümüde Israel mihtsürünü mungtsü kingaünkhi chingnü atsüdakbe kingaün jihkhi akhüh, tüsho apho inü ludo, tüsho ha Israel mihtsürünü lünnü jihde alapü yakzan thsüde amükeambuh Aron le atsührübo kilim jihdo.

LEVI 7:36

Apinü arü mujudemüsühkhitkhi nimung arübo kilim ha shihcham jihshihpü Atungpuhnü Israelrü kilim thiyukhüm jih. Ha Israel mihtsürübonü lün lün ching anide rhimode ayüpü yakzan ah.

WÜHKHE 19:21

Ha arü thsungkheak lün yo yakzan lah. Shepünü amüsühkhitbe ke rhakbanü khimmih müsühbah; tüsho shepünü amüsühkhitbe ke qiubanü arelim khiungde müneana labah.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 26:28

Tümüde ha aso tangzüngkhi, ahihkhüh neak bahjihpü bukkhi I thiyih ah.

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 5:26

junangde kenü amüsüh dunglim api yunü anihbe tsangkhitpü thsü,

YUZÜNGTHALO 12:16

“Nüsanü athiyih lang dütsüh; nüsanü ju ke nangde alo kheak dunga bahang.

YUZÜNGTHALO 12:23

Nünü athiyih lang mütsühpü mütsanang tümüde thiyih ju rhangdung, tüsho nünü rhangdung ju shih lung mütsühbeah.

YUZÜNGTHALO 12:24

Nünü ju dütsüh; nünü ju ke nangde alo kheak dunga bahang.

YUZÜNGTHALO 15:23

Nüsanü athiyih lang mütsüh; nüsanü ju ke nangde alo kheak buka bahang.

YUZÜNGTHALO 32:14

Moshi chingnü niuhke kingkungkhi tüsho mihnu chingnü niuhke, namfimihnunu tüsho namfimihnupung müdang bede, Bashan namfimihnupung amokhitkhi, atsüdak wheat hi tüsho amokhitkhi yukhu nünü yung. @SP ACE=

1 TIMOTHI 4:4

Tümüde Thrünpuhnü athrünkhi lüpdükhi atsü lah, tüsho makshe jihde leangkhisho tümü she abahyukbe müla;