LEVI 3:1 - AMÜSÜH HÜM CL Bible (BSI)

¹ Küyimki khürünü mungtsü kingaünpü shiwüh jihbanü, Atungpuh miki lapha mükihkhi moshi pung yungsho dre thsübeah.

LEVI 3:1 Iomraidhean Croise

1 KIUTHSÜYUKHEAN 21:26

Davidnü ju ching Atungpuh kilim kingaün sadam khülang thsü tüsho taka kingaünkhi le mungtsü kingaünbo jih. Apinü Atungpuh ki ji, tüsho apinü taka kingaünkhi kingaün sadam kheak thüning chingnü mo akishihde api ki alojih.

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

ABEKHIT 24:5

Judüki apinü Israel athunu mihtsürü yüshih, tüsho arünü taka kingaünkhi tüsho moshipungbo laksah-a Atungpuh kilim mungtsü kingaün jih.

ABEKHIT 29:28

Ha kamruhroro Aron le atsührübo thsungkheak Israelrü kilimnü mutukzhak shihcham labah. Ha Israelrünü arü mungtsü kingaün chingnü Atungpuh kilim arung jihkhi labah.

MÜCHITMUDU 7:14

“ I lung mungtsü kingaün lah; khihni inü thiyuchihchim jihdo.

EZEKIEL 43:27

Küyimki harü nimungbo hobanü, nimung tizheah ninü rünbah amükeamrübonü nü yo taka kingaünbo tüsho mungtsü kingaün sadam kheak jihbah; tüsho inü nü leangkhibah, Atungpuh Thrünpuhnü thachoh.

EZEKIEL 45:15

tüsho Israel rimlopung chingnü, namfimihnu 200 aban chingnü namfimihnu 1 labah. Ha kingaünbo ju arü dünthsükhipü hi kingaün, taka kingaün, tüsho mungtsü kingaün labah, Atungpuh Thrünpuhnü thachoh.

LEVI 1:10

Mürangkhüh mihtsürü khülangnü namfimihnubo yungsho mihnubo lungnü taka kingaünkhi jihsho, ju lapha mükihkhi pung thsübeah:

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 17:5

Ha yukhüm amütsan ju Israel mihtsürünü shiwüh thulu ching laksahkhi Atungpuh kilim handarübah. Arünü ashorupung khimyam ripit ki amükeambuh kilim jihbah tüsho mungtsü kingaün jihbah.

LEVI 3:6

Mungtsü kingaün thsungkheaknü namfimihnu yungsho mihnu Atungpuh kilim jihsho, pung thsüthsü dre thsüthsü, lapha mükihkhi jihang.

LEVI 9:18

Apinü mihtsürübo thsungkheak mungtsü kingaün moshipung tüsho mihnupung laksah. Atsührübonü athiyih lubah arü, tüsho apinü kingaünpung mükamde hiukih,

LEVI 9:4

tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MALAKI 1:8

Küyimki nüsanü amüktukkhi shiwüh laksah-a kingaünkhi ching jihbanü, ju amülim yung de? Tüsho küyimki nüsanü akikkhi yungsho tukthsükhi jihbanü, ju amülim yung de? Ju nü yo kovünor ki thsambah jih-a kheahang; apinü nü ki asühba de yungsho nü leangkhiba de? Wuto Atungpuhnü thachoh.

WÜHKHE 15:8

Tüsho nünü taka kingaünpü yungsho thiyuchihchimkhi dünkheak shuhmülanga kingaünkhi yungsho Atungpuh kilim mungtsü kingaünpü moshipung nunu lusho,

WÜHKHE 6:14

Tüsho apinü Atungpuh kilim lapha mükihkhi shiwüh mahsam jihbah: taka kingaünpü kam khülang bankhi namfimihnunu pung tüsho neak kingaünpü kam khülang bankhi namfimihnunu dre, tüsho mungtsü kingaün thsungkheak mihnupung khülang de ajihbeah,

WÜHKHE 7:17

tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Amminadab tsührü Nashon kingaün lakheah.

WÜHKHE 7:59

tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Pedazur tsührü Gamaliel kingaün lakheah.

YUZÜNGTHALO 12:27

Tüsho nünü taka kingaünkhi shih tüsho thiyih Atungpuh nü Thrünpuh kingaün sadam kheak kingaünang; tüsho nünü laksah-a kingaünkhi thiyih ju Atungpuh nü Thrünpuh kingaün sadam kheak bukkihang, tüsho nünü shih ju tsühang.

KOLOSI 1:20

tüsho alomi kheak yungsho yinmi ching thsüthsü, api sangkim thiyihnü mungtsü thsüde api hode anihbuh kheak tsüarihlo.

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

MAHKHAPRÜ 21:4

Jumonü ashido yapsu mihtsürübonü mükikde asürübah ju ching kingaün sadam thsü tüsho taka kingaünkhi le mungtsü kingaünbo jih.