LEVI 27:28 - AMÜSÜH HÜM CL Bible (BSI)

²⁸ Tüshe mihtsürübonü Atungpuh kilim kingaünkhi, mihtsürü yungsho shiwüh, yungsho yamrüplurüp lukhi thulu thsüthsü, müyinkhuk yungsho mürhokhitkhuk; shuhmülanga jihkhi kukruk abannü Atungpuh kilim khide amüsüh lah.

LEVI 27:28 Iomraidhean Croise

2 KIUTHSÜYUKHEAN 31:14

Levirü Imna tsührü Kore, aniakhiuklim ripit neakbuh ju Thrünpuh kilim mulongkhi kingaün, Atungpuh thsungkheak arung hanmukhunga zokhi shihcham thsüpü tüsho khide amüsüh kingaünkhibo rhimopü lakheah.

ABEKHIT 22:20

“Atungpuh kheak hode shepünü püpü thrünpuh ki laksah-a kingaünbanü shahde adükheakshihbah.

EZEKIEL 44:29

Arünü hi kingaün, neak kingaün, tüsho amülim kingaün tsühbah; tüsho Israel ching kingaünkhi kukruk alala arü yo thsübah.

EZEKIEL 48:14

Arünü ju müyin yungsho mümüthriachih; arünü ha amokhitkhi lomi makhin, tümüde ha Atungpuh kilim amüsüh lah.

LEVI 21:22

Apinü api Thrünpuh tsühyungpü khide amüsüh tüsho amüsüh ane chido tsühpü kuklah,

LEVI 27:21

Küyimki arübe Jubilee ching thulu ju zuzu kamshihbanü, ju Atungpuh kilim shuhmülanga jihkhi lu amüsüh kambah; ju amükeamrübo yo thsübah.

LEVI 27:27

Shiwüh ju mümüsühkhi a-sho, apinü adün akhukhi yande rhokhitbah, tüsho ju kheak shihcham phüngü ching khülang yukbah; yungsho ju mürhokhitsho apinü akhukhi yande ayinbah.

LEVI 27:29

Mihtsürü bolungnü thsümünima bahpü akhukhita lakhi mihtsürü ju mürhokhitkhuk, api dükde asheshihbah.

WÜHKHE 18:14

Israel ching shuhmülanga jihkhi kukruk athrünkhi nüsa yo thsübah.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

ROMRÜ KILIM PAULNÜ ATHRÜTKHI KIHÜM HUHTANYU 9:3

Tümüde I keoniorü, I buhtsührü, I mihtsürü dünkheaknü I muthrumüneana tüsho Khrista kheaknü chamkhia lah de inü lüm.

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

GALATIA 3:10

Yakzan rhimo kheak angükihrü alala muthrumünean khüp lah, tümüde ha thrüta lah: “Yakzan hüm ching thrütkhi yande mülarü tüsho ju mürhimorü aban muthrumünean thsang.”

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

YUZÜNGTHALO 25:19

Apinü nüsa kilim yamrüplurüp jihkhi lo ching küyimki Atungpuh nüsa Thrünpuhnü mühirü thiriri kheaknü sühakhimshihbanü, nüsanü Amalekrü lümkhitpü thüning bukkhüp chingnü nankhita bahang; nüsanü dümih.

YUZÜNGTHALO 7:26

Tüsho nüsanü athraneanbe kukruk nüsa yam ching hande arübahle ju ruk muthrumünean dükamshih; nüsanü hoju khülang kinü thraneanang tüsho bahyukang, tümüde ha muthrumünean kukruk lah.

JIHUSUA 6:26

Judüki Jihusuanü thiyuchihchim khülang jihde tha, “Shepünü Jirikho kiuto thsülopü mürangbanü Atungpuh muthrumünean khüp labah. Shepünü khimtanbanü tsührü athrürü adüjibuh dükheakbah; Shepünü chipimurungbo thsübanü tsührü athrürü akheambuh dükheakbah.”

JIHUSUA 7:1

Jirikho chingnü tümükhüh lang she lusho asheshihbah de Atungpuhnü thiyukhüm jihkhi ju Israelrü bolung Akhannü mani, jumonü Atungpuhnü Israelrü kheak bukakhiuk. (Akhan ju Judarü Zabdi tsührü Karmi tsührü tüsho Zera guk chingnü alakheah.)

JIHUSUA 7:25

Tüsho Jihusuanü tha, “Nünü tümü thsükhi isa kheak küpkhuk hande arükhea? Atungpuhnü khihni nü kheak küpkhuk hande arüchoh!” Mihtsürü alalanü Akhan ju lungnü rusah; arünü ayamkhün tüsho lakhitbo she ruthünak tüsho monü takabahjih.

MAHKHAPRÜ 21:11

Tüsho nüsanü arhimopü ju ha: Nüsanü mütsangkhitkhi athrürü tüsho aliberü aban laksahang.”

MAHKHAPRÜ 21:18

Tütüshe, isanü isa tsührübo arü niuberü thsüpü müjih, tümüde Israel mihtsürübonü thiyuchihchim, ‘Benjamin kilim niuberü jihrü muthrumünean thsang.’”

MAHKHAPRÜ 21:5

Israelrünü tha, “Israel trük alala bolungnü shepü Atungpuh miki amukhungrü lung marü le?” Tümüde arünü Mizpa ching Atungpuh miki maturü dünkheak thiyuchihchim ato khülang thsü, “ Tsükjide api asheshihbah.”

1 SAMUEL 15:18

Tüsho Atungpuhnü nü athiyikhi rhimo ching yüshihde tha, ‘Yüang, amüneanrü Amalekrü shahde laksahkhamang, tüsho arübo mükheamkhamyi khiungde arü bebah keochihang.’

1 SAMUEL 15:3

Kheakü yüang tüsho Amalekrü yanabahang, tüsho arü lakhi alala thsümünimjang; arübo daningshih, tüsho athrürü tüsho aliberü, azürü tüsho khungarü, moshipung tüsho namfimihnu, kemel tüsho donkibo laksahang.’ ”