LEVI 26:8 - AMÜSÜH HÜM CL Bible (BSI)

⁸ Nüsa phüngünü chi khülang yande müshambah, tüsho nüsa chi khülangnü chithürü thürü yande müshambah; nüsa riribo nüsa müngüh nukshangnü akeamshihbah.

LEVI 26:8 Iomraidhean Croise

1 KIUTHSÜYUKHEAN 11:11

Ha David yo athrungrübo khekhi: Hakmoni tsührü Jashobeam akube wühkenobuh lakheah; apinü 300 azhihde thsüh shuhkihbah khülang kinü laksah.

1 KIUTHSÜYUKHEAN 11:20

Kheakü Joab niurü Abishai samrü bolung akubeatobuh lakheah. Api thsühnü 300 bede keochih tüsho arübo laksah, tüsho mahsam lung mungthu ngü.

ESTER 9:16

Lomibo ching Jihudarü püpürübo she shumukhung tüsho arü rhangdung thsungkheaknü düküngde zhip. Arü mükheahnerü thiriri 75,000 laksahkhinü arü reangkeamdo, tüshe arünü kukruk a mulu.

LEVI 26:7

Nüsanü nüsa riri yande amüshambah tüsho arübo nüsa müngüh nukshangnü akeamshihbah.

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

WÜHKHE 31:4

Israel trük aban chingnü 1000 keochihpü yüshang.”

YUZÜNGTHALO 28:7

“Nüsa azhihrü thiriribo Atungpuhnü nüsanü akukshihbah; arünü nüsa azhihde limbeak khülang chingnü akhiukbah tüsho nüsa müngüh limbeak thüne chingnü alihde atsobah.

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

JIHUSUA 23:10

Nüsa khülangnü lang she mihtsürü chithürü alihde tsoshihkhuklah, tümütüsho apinü thiyuchihchimkhi nangde, Atungpuh nüsa Thrünpuhnü nüsa thsung thsüde keochihchoh.

MAHKHAPRÜ 15:15

Apinü donki mükhühnuk aso khülang ngükhi akhah chunga yüshihbah ju lu, tüsho junü mihtsürü 1000 laksah.