LEVI 26:44 - AMÜSÜH HÜM CL Bible (BSI)

⁴⁴ Tütüshe, arübo arü riri lomi ching lalashe, inü arübo mübahyuk yungsho shahde müthsümünim, tüsho arü kheak inü tangzüngkhi müthsümünim; tümüde I Atungpuh arü Thrünpuh.

LEVI 26:44 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

2 KIULONG THSÜRÜ 13:23

Tüshe Atungpuhnü arü ki müthsüm tüsho muzho; Abraham, Isak tüsho Jakob thsülimnü apinü arü kilim rholo, tüsho arü müdükheakshih; yungsho api mikinü khihni khiungde arü yana mübah.

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

NEHEMIA 9:31

Tütüshe, nü amüthsüm tokhinü, nünü arü mübahyuk yungsho müdükheakshih. Nü a amuzho tüsho amüthsüm Thrünpuh. @1-LINE- SP ACE=

MUNGSHIKHÜN 103:13

Buhrünü tsührü muzhokhi nangde, Atungpuhnü api trerü muzhochoh.

MUNGSHIKHÜN 89:33

Judüalalashe I mihmuzho inü api kheaknü shahde muluakhin, yungsho I thiyuro lakhi mülade müthsüshih.

MUNGSHIKHÜN 94:14

Tümüde Atungpuhnü api mihtsürü yana mübah, yungsho api yamrüplurüp mübahyuk.

JEREMIA 14:21

Nü mung chingnü, isa düthranean; nü müretah kiulongthsü-binkiu wüntre müjihde düla; lümkhitang tüsho isa kheak trükshih tangzüng düthsümünim.

JEREMIA 24:5

Atungpuh Israel Thrünpuhnü ha thachoh: Harü khubaso atsü nangde, inü ha dangpung chingnü Kaldearü lomi ching yüshihrü Juda ching ramtsorü atsü khejihbah.

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

EZEKIEL 16:60

Tütüshe inü nü athunu nimungbo ching nü ki tangzüngkhi lümkhitbah, tüsho inü akheam müla tangzüng nü kheak zobah.

LEVI 26:11

Inü I lapung nüsa bolung zobah, tüsho inü nüsa mübahyuk.

ROMRÜ KILIM PAULNÜ ATHRÜTKHI KIHÜM HUHTANYU 11:2

Apinü mükheahjunga lakhi api mihtsürü Thrünpuhnü mübahyuk, Elijanü Israel azhihde Thrünpuh ki mushukhi dünkheak amüsühyunü athakhi nüsanü mümükheah de?

ROMRÜ KILIM PAULNÜ ATHRÜTKHI KIHÜM HUHTANYU 11:26

Junangde Israel alala khümkhitbah. Amüsühyunü thachoh, “Zion chingnü abekhitrü arübah, apinü Jakob chingnü amükinrü alala yankhitbah”;

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.