LEVI 26:42 - AMÜSÜH HÜM CL Bible (BSI)

⁴² inü Jakob, Isak tüsho Abraham kheak tangzüngkhi lümkhitbah, tüsho inü alomi lümkhitbah.

LEVI 26:42 Iomraidhean Croise

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 26:2

Judüki Atungpuh api ki akhiuk tüsho tha, “Ijip lim düyüki; inü nü ki thapü lakhi lomi ching laang.

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 26:5

tümütüsho Abrahamnü I yu ani tüsho I yakzanbo le thiyukhümbo alala zo.”

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

THRÜNTAN 35:11

Kheaküshe Thrünpuhnü api ki tha: “I Wuto Thrünpuh. Aso asoang tüsho wüh buang; trükshihbo nü kheaknü akhiukbah tüsho nü pang chingnü kiulongthsürübo arübah.

THRÜNTAN 35:12

Inü Abraham tüsho Isak jihkhi lo nü kilim jihchoh; tüsho nü dunglim nü tsühsoniusobo kilim inü ha lo jihchoh.”

THRÜNTAN 9:15

inü I le nü tüsho rhangdung labe loriloko mungji alala dükeak I tangzüng lümkhitbah. Rhangdung alala dükheakshihpü küyimkishe keking malodarü.

THRÜNTAN 9:16

Küyimki amobo ching mürechin akhiukbanü, inü ju kheahbah tüsho Thrünpuh le alomi kheak rhangdung lakhi loriloko mungji alala dükeak akheam müla I tangzüng lümkhitbah.”

ESTER 4:14

Nünü hadürü kim ching sheak makhiukde binsho, yinmi limnü Jihudarü kilim arung arübah, tüsho arü khümkhitbah tüshe nü a ashebah tüsho nü buh yamkhün adükheakbah. Shenü mükheahla, hadürü kim khülang thsungkheaknü nü kiulongthsüberü kamshihkhi she alapü kuklah.”

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 136:23

Isa aliuh-a lachoki isa lümkhitbuh, tümüde api amüthsüm lünnü rünkhiungde lah;

ABEKHIT 2:24

Jumonü Thrünpuhnü arü ashekhi so, tüsho Abraham, Isak tüsho Jakob ki apinü tangzüngkhi lümkhit.

ABEKHIT 6:5

Kheaküshe Ijiprünü azhorü kuhi ching zojihkhi Israelrü ashekhi inü so, tüsho inü tangzüngkhi lümkhit.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

EZEKIEL 16:60

Tütüshe inü nü athunu nimungbo ching nü ki tangzüngkhi lümkhitbah, tüsho inü akheam müla tangzüng nü kheak zobah.

JOEL 2:18

Judüki Atungpuhnü api lomi thsungkheak lümrhihde kam, tüsho api mihtsürü kheak amuzho la.

LUKNÜ ATHRÜTKHI THIYUSHEAK-ATSÜ HUHTANYU 1:72

isa bebuhrü ki amüthsüm alokhikhi rhimopü, tüsho api amüsüh tangzüng lümkhitpü,

YUZÜNGTHALO 4:31

(tümüde Atungpuh nüsa Thrünpuh ju amüthsüm Thrünpuh) apinü nüsa mübahyuk yungsho müdükheakshih, yungsho apinü nüsa bebuhrü kheak tangzüngkhi mümih.

YUZÜNGTHALO 9:27

Nü yamlarübo Abraham, Isak tüsho Jakob lümkhitang; ha mihtsürübo nihnihkhi, yungsho mihbukmuyuk yungsho arü neak dükheahjih,

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.