LEVI 26:4 - AMÜSÜH HÜM CL Bible (BSI)

⁴ inü nüsa kilim akheahmünchi ching tsüng arüshihbah, tüsho alonü hi mukhuhshihbah tüsho mütüm sangdungbonü aso asobah.

LEVI 26:4 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

JOB HU H T ANYU 5:10

Apinü alo kheak tsüng arüshihchoh tüsho thulubo ching kebo yüshihchoh;

MUNGSHIKHÜN 104:13

Apinü api achangbe khiungshak chingnü awungbo kheak ke dütsütchoh; nü rhimobo aso asokhinü alomi reangkeamde lah.

MUNGSHIKHÜN 67:6

Judüki alonü nihbe alü akhiukshihbah; Thrünpuh, isa Thrünpuhnü isa müngühjihbah.

MUNGSHIKHÜN 67:7

Thrünpuhnü isa müngühjihbah, tüsho alomi akheambo alalanü api trebah.

MUNGSHIKHÜN 68:9

O Thrünpuh, nünü muzhomopungkhi tsüng arüshih, ju hode keaksah-a lachoki nü yamrüplurüp rhüngrhüngshih.

MUNGSHIKHÜN 85:12

Tümü atsüanü Atungpuhnü ajihbah; tüsho isa lonü alü thsükhi akhiukshihbah.

MUNGSHIKHÜN 85:13

Thiyuro-lungki ju api müngüh yübah, tüsho api jing düküpü limro thsakhambah.

ISAIA 30:23

Nüsanü alo ching yangkhi müjih thsungkheak apinü tsüng arüshihbah, tüsho alo chingnü akhiukkhi hi lakhitde tüsho muzhomopungde alabah. Ju nimung nü yo shiwühbo yimtsühpung tode alabah;

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

EZEKIEL 36:30

Inü sangaso tüsho thulu chingnü akhiukkhi muzhomopungde akamshihbah, junangde trükshih bolung nü khümzungnü achih ngükhi küyimkishe müthsünülo.

JOEL 2:22

Dütre, nüsa mütüm shiwühbo, tümüde sunglo rimbo phüyaklah; sangdungbonü aso asochoh, khubaso tüsho kurungaso suhdahde lah.

LEVI 25:19

Alonü hi mukhuhshihbah, tüsho nüsa bukthsüde tsühde tsokhitde alabah.

LEVI 25:21

Inü kam thurukpü ching nüsa thsungkheak I müngühmühi jihbah; junangde kam mahsam thsungkheaknü sangsolungso suhdahde asoshihbah.

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

MATHI 5:45

junangde nüsa ju yinmi ching nüsa Abuh tsührübo thsübah. Apinü amütsü tüsho atsü kheak ani akhiuk-shihchoh, tüsho thiyuro-lungkirü le thiyuro-mülungkirü kheak tsüng arüshihchoh.

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

YUZÜNGTHALO 11:13

“Tüsho nüsanü khihni inü ajihkhi thiyukhümbo düshihde anide, nüsa mulong athrünkhinü tüsho me athrünkhinü Atungpuh nüsa Thrünpuh tankihsho,

YUZÜNGTHALO 11:14

nüsa lo thsungkheaknü inü akheahmünchi ching, akhuhbe tüsho ashube tsüng arüshihbah, junangde nüsanü hi, yukhu tüsho oliv müdangke hanmukhungbah.

YUZÜNGTHALO 28:12

Kim dükdü ching nüsa lo ching tsüng arüshihpü tüsho nüsa rhimo ching müngühjihpü thsüde Atungpuhnü nüsa kilim api lakhit atsü, thüning khimshuhjihbah. Nüsanü trükshih ahihdo kilim nipjihbah, tüshe nüsanü a anip mulu.

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.

AMIKHEAKAKHIUKKHI 11:6

Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah.