LEVI 26:39 - AMÜSÜH HÜM CL Bible (BSI)

³⁹ Nüsa sherübo aninga lanü nihbuh neak tüsho jipürü neak dünkheaknü nüsa riri lo ching dükheakbah.

LEVI 26:39 Iomraidhean Croise

2 KIUTHSÜYUKHEAN 34:24

Atungpuhnü ha thachoh: Juda kiulongthsüpuh miki khekhi hüm ching thrütkhi muthrumünean alala inü ha dangpung tüsho ju ching larü kheak thsümütsü hande arübah.

EZRA 9:7

Isa jipürü nimung chingnü kheakü khiungde isanü tode neak yihbeakde arüdo; tüsho neak hode isa kiulongthsürübo tüsho amükeamrübo püpürü kiulongthsü khah ching, khihni hanangde, thsühnuk ching, ramtso ching, jangkhijangra ching, tüsho achih ngüde lashih.

NEHEMIA 1:9

Tüshe nüsanü I kilim alode arübah inü athakhi rhimosho nüsa lomi akheam khiungde müzützüt she kükheak I mung zoshihpü inü mokhitdünü ju kheak belode arübah.’

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 34:7

chithürü ki amuzho lachoh, tüsho mihbukmuyuk, azhihkhi tüsho neak bahjihchoh. Tütüshe apinü mülimkhi müthsümüchidüa müdükhe; apinü arü bebuhrü neak dünkheak arü tsührü tüsho tsührü-tsührü lün mahsam tüsho phüyi khiungde thsümüchichoh.”

ISAIA 14:21

Api tsührübo arü bebuhrü amülim dünkheaknü alaksahpü tsanglungang. Alomi müküh-a lupü arü dasürüshih yungsho kiutobonü alomiküp dümishih.”

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

JEREMIA 29:12

Judüki nüsanü I ki jichoki tüsho arübah I ki tamkhüntamnüchoki, inü nüsa ki anibah.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 31:29

Ju nimungbo ching arünü mütha: “Berübuhrünü kurungaso asan tsühdo, tüsho tsührübo hü mütramlah.”

TÜZHOKHI 1:3

Juda a thsünüde tüsho achakato azhorü thsüde ramtso ching yüdo; kheakü anihbe trükshih bolung lah, tüsho sühakhim dangpung müngü; anihbe lümthsünü phulung ching anihbe müshamrünü yanphuhdo.

TÜZHOKHI 4:9

Nukshangnü alaksahrü ju akhümnü asherü kheaknü khatsübe lakheah, akhümkhinü rungkheamabah, arübo thulu ching tsühyungpü mülakhinü mukuhsah.

EZEKIEL 18:19

Tütüshe nünü thachoh, “Tümüde tsührünü nihbuh abuh amülim mühanrung le?” Tümütüsho tsührü junü thiyuro tüsho alungki rhimodo tüsho kümkangde I yakzan thsükhibo zodo, api tsükjide alabah.

EZEKIEL 20:43

Ju ching nüsanü nüsa rhimorhiyi tüsho nüsa küdah thsüde müneankhi rhimobo lümkhitbah, tüsho nüsanü arhimokhi amütsü alalanü nüsa mukhiukbah.

EZEKIEL 24:23

Kuhingbebo nüsa kubo kheak labah tüsho jingkhümpübo nüsa jing kheak labah; nüsanü mimütrip yungsho mütrip, tüshe nüsa mülimkhibo ching nüsa sühkeakeabah tüsho khülangnü khülang ki ashearabah.

EZEKIEL 33:10

Mihtsürü tsührü, kheakü nünü Israel yamkhün ki thaang, Nüsanü ha thado: “ Isanü alakmihkhibo tüsho isa neakbonü isa kheak ajapchoh, tüsho jurü hode isa sühkeakeade kamchoh; dale küde thsah isa lakhukpü?”

EZEKIEL 36:31

Judüki nü amütsü limrobo tüsho amütsü rhimobo nünü alümkhitbah; tüsho nünü nü amülimbo tüsho athranean rhimobo dünkheak thraneanbah.

EZEKIEL 4:17

Jim tüsho ke musuhkhinü arü khülangnü khülang kheahachihbah müyinsahbah tüsho arü neak hode tümü mülade akambah.”

EZEKIEL 6:9

Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

ZEKARIA 10:9

Inü arübo trükshih bolung hiumüzütshihshih she, limshu lomibo chingnü arünü I lümkhitbah, tüsho arünü arü tsührübo mütrübah tüsho alodarübah.

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

YUZÜNGTHALO 28:65

Tüsho ju trükshih bolung nünü sühakhimpung, yungsho nü jinglung zokheampung müngü; tüshe ju ching Atungpuhnü nü kilim mulong ajanpü, mükji keahpü, tüsho me thsünüpü jihbah.

YUZÜNGTHALO 30:1

“Kheakü, küyimki inü nüsa miki zojihkhi müngühmühi tüsho muthrumünean nüsa kheak arübanü, tüsho Atungpuh nüsa Thrünpuhnü nüsa hiumüzütshihpung trükshih alala bolungnü nüsa mulong ching lümkhitshihbanü,

YUZÜNGTHALO 5:9

nünü arü ki dükhukning yungsho dütankih; tümüde I Atungpuh nüsa Thrünpuh, mükthsübuh Thrünpuhnü bebuhrü neak lün mahsam tüsho phüyi khiungde I thraneanrübo rhua kheahchoh,

YUZÜNGTHALO 8:20

Nüsa müngüh Atungpuhnü trükshihbo dükheakshihkhi nangde, Atungpuh nüsa Thrünpuh düsheak manikhi dünkheaknü nüsa she adükheakbah.