LEVI 26:36 - AMÜSÜH HÜM CL Bible (BSI)

³⁶ Nüsa sherübo rhangdung lanü nüsa riri lo ching inü nüsa mulong ching trede akamshihbah; sangyü keamkhikhi düsheaknü nüsa tsoshihbah, tüsho nüsabo nukshang müngüh tsokhi nangde atsoshihbah, tüsho nüsabo shenü müyande angaka yapbah.

LEVI 26:36 Iomraidhean Croise

THRÜNTAN 35:5

Judüki arünü tsahmusu, tüsho arü miki kiutobo alala kheak Thrünpuh mihtrebe lakheah, tüsho arünü Jakob tsührübo yande mümüsham.

THRÜNTAN 4:12

Küyimki nünü alo wochakbanü junü nü kilim tümü makhiukshih, nü a lomi ching lapung mülade tsotsahrümtsahrü thsübah.”

2 KIUTHSÜYUKHEAN 14:14

Arünü Gerar mühi kiutobo alala kuk, tümüde Atungpuh trekhi arü kheak lakheah. Arünü kiutobo alala yankhi tüsho ayankhikhi kukruk tode lu.

JOB HU H T ANYU 13:25

Apungnü ayünkhi sangyü khülang nünü amüzünba de? tüsho müneang mukuh müshamba de?

MUNGSHIKHÜN 53:5

Arübo atrepü mülade alapung ching trede lah, tümüde Thrünpuhnü nü azhihde ayanrü robo hiumüzütshihdo; nünü arü achih ngüshihdo, tümütüsho Thrünpuhnü arü bahyuk.

MUNGSHIKHÜN 53:6

O, Zion chingnü Israel akhümkhit akhiukkhülaa! Küyimki Thrünpuhnü api mihtsürü aramrübo belode arübanü, Jakob asühachihshang tüsho Israel asühshang.

MUNGSHIKHÜN 89:43

Nünü api thsühnukbo akeangkeang kamshih tüsho thirithsü ching api kukabahshih.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 30:17

Khülangnü amüneahmo chithürü tsobah, phüngünü amüneahmo nüsa awung mujuk kheak riphindung nangde tüsho awung kheak khuhtozhin khülang nangde maningyi khiungde ashanbah.

ISAIA 7:2

Küyimki Sirianü Ephraim kheak arihkhi David yamkhünnü asokhea, Ahaz tüsho api mihtsürü mulong ju murung ching sangdungbo apungnü ayünkhi nangde ajan.

ISAIA 7:4

tüsho api ki thaang, Aniang, zhikde laang, dütre, tüsho Rezin le Siria tüsho Remalia tsührü müküpde bukakhiukkhi, ha mozhuh aniukheamkhi mahne dünkheaknü nü mulong düjaniu.

JEREMIA 37:10

Nüsanü nüsa bede keochihrü Kaldearü bonungrü alala kukkuk she tüsho arü khimyambo ching yurirü lang aninga lalashe, arünü asürübah tüsho ha kiuto monü atakbah.

JEREMIA 46:16

Nüsa bonungrü jing mükhedo tüsho lungdo, tüsho khülangnü püpürü ki tha, “Arang, isanü isa mihtsürü tüsho isa zübe lomi lim, athsümünim nukshang bahbah yüloanü.”

TÜZHOKHI 1:3

Juda a thsünüde tüsho achakato azhorü thsüde ramtso ching yüdo; kheakü anihbe trükshih bolung lah, tüsho sühakhim dangpung müngü; anihbe lümthsünü phulung ching anihbe müshamrünü yanphuhdo.

TÜZHOKHI 1:6

Zion tsührübe kheaknü wüntre-müretah alala chamachihdo. Anihbe yakzanshuhrübo rimlopung müngükhi shihmüchipungbo nangde kamdo; arünü sühmüh mülade amüshamrü müngüh tsodo.

TÜZHOKHI 4:19

Isa müshamrübo ju thüning ching müleangbo kheaknü athribe lakheah; arünü isa müzüngbo kheak yande müsham, arünü sunglo ching isa aleangde bin.

EZEKIEL 21:12

Zhiang tüsho tüzhoang, mihtsürü tsührü; tümüde ha I mihtsürü azhihkhi lah; ha Israel limberü alala azhihkhi lah. Arübo I mihtsürü lungnü alaksahpü lah. Jumonü nü khüh yümang.

EZEKIEL 21:15

Junangde mulong niuthünakbah tüsho akeamkhi hihbah, inü alaksahpü thsungkheak arü chipiripitbo alala kheak nukshang hanmukhungdo. O! Ha chinchobe nangde phürappü thsülah, alaksahpü ha thrüa ludo.

EZEKIEL 21:7

Tüsho küyimki arünü nü ki, “Tümüde nü ashecho le?” de keokhisho, nünü athabah, “Thiyusheak arükhi dünkheak. Mihbüm aban mulong niuthünakbah tüsho khah kikbah; me keahkhibah tüsho mukhuk niukbah. Ha arüchoh! Ha tsükjide adünjibah,” Wuto Atungpuhnü thachoh.

HOSEA 8:3

Israelnü atsü bahyukdo; thiririnü api müshambah.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 26:35

Ju thsümünima yapkhi khiungde sühakhimbah, ha sühakhim ju nüsa ju ching lachoki amunibo ching nüsanü müngükhukkhi sühakhim labah.

YUZÜNGTHALO 1:44

Tüsho ju wung ching larü Amorrü nüsa azhihde akhiukbahle mukhunü ayankhi ruk nüsa yande müsham, tüsho nüsa Seir chingnü Horma lim yanloa arüshih.

JIHUSUA 5:1

Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

JIHUSUA 7:5

Airünü arübo kiuto chipimurung chingnü lungdang Shebarim khiungde yan tüsho adüpheak kheaknü 36 bande laksah. Jushu Israelrübo mulong niukthünakde ke kamabah.

1 SAMUEL 17:24

Küyimki Israelrünü mihtsürü ju angükheanü, alala müyinnimde shande tso.